പ്രിയ സഹോദരി ലതികാ സുഭാഷിന് അഭിനന്ദനം. 40 വർഷം ഹൃദയത്തിന്റെ ഭാഗമായിക്കണ്ട കോൺഗ്രസ് പാർട്ടിക്ക് തന്നെ വേണ്ടെന്ന് മനസിലാക്കിയപ്പോൾ തലമുണ്ഡനം ചെയ്ത് പ്രതീകാത്മക ബലികർമ്മം നടത്താൻ കാണിച്ച ആ ചങ്കൂറ്റമുണ്ടല്ലോ അതിന് കൊടുക്കണം ഒരു കുതിരപ്പവൻ.

പെണ്ണായതു കൊണ്ടല്ല കോൺ​ഗ്രസ് ലതികയെ കറിവേപ്പിലപോലെ എടുത്ത് പുറത്ത് കളഞ്ഞത്. പ്രവർത്തന പാരമ്പര്യമില്ലാത്തതു കൊണ്ടുമല്ല. അവർ ക്രിസ്ത്യാനിയോ മുസ്ളിമോ ആയിരുന്നെങ്കിൽ സ്ഥാനാർത്ഥി​പ്പട്ടി​കയി​ൽ നി​ന്ന് പേരുവെട്ടാൻ ഉമ്മൻചാണ്ടിയുടെയും രമേശ് ചെന്നിത്തലയുടെയും മുല്ലപ്പള്ളി രാമചന്ദ്രന്റെയുമൊക്കെ കൈ വിറച്ചേനെ.

കേരളത്തിലെ മുന്നണി രാഷ്ട്രീയത്തിൽ പിന്നാക്ക ഹിന്ദുക്കൾ അപ്രസക്തരാവുകയാണെന്ന സത്യത്തിന്റെ ഉത്തമ ഉദാഹരണമാണ് ലതിക സുഭാഷ്. ഓരോ തിരഞ്ഞെടുപ്പ് കഴിയുമ്പോഴും മൂന്ന് മുന്നണികളുടെയും അധികാരസ്ഥാനങ്ങളിൽ നിന്നും പദവികളിൽ നിന്നും അകന്നുപോകുന്ന വിഭാഗമാണ് പിന്നാക്ക ഹൈന്ദവർ. കഴിഞ്ഞ തദ്ദേശ തിരഞ്ഞെടുപ്പുകാലത്ത് കണക്കുകൾ സഹിതം കേരളകൗമുദി ഇക്കാര്യം പുറത്തു കൊണ്ടുവന്നപ്പോഴാണ് അപകടത്തിന്റെ ഗൗരവം കേരള സമൂഹം മനസിലാക്കിയത്. അസംബ്ളി തിരഞ്ഞെടുപ്പിലെങ്കിലും തെറ്റുതിരുത്താനുള്ള ശ്രമങ്ങൾ ഉണ്ടാകുമെന്ന് പ്രതീക്ഷിച്ചെങ്കിലും അതെല്ലാം വെറുതെയായി.

സ്ഥാനാർത്ഥിപ്പട്ടിക ഒന്നെടുത്ത് നോക്കിയാൽ മതി കാര്യം മനസി​ലാകാൻ. ജനസംഖ്യയുടെ 45 ശതമാനത്തോളം വരുന്ന പി​ന്നാക്ക ഹൈന്ദവർക്ക് സ്ഥാനാർത്ഥിപ്പട്ടി​കകളി​ൽ 25 ശതമാനം പങ്കുപോലുമി​ല്ല. ജനസംഖ്യാനുപാതി​കമായി​ ലഭി​ക്കേണ്ടതി​ന്റെ എത്രയോ അധി​കമാണ് ന്യൂനപക്ഷ മതവി​ഭാഗങ്ങളും നായർ സമുദായവും കൈക്കലാക്കുന്നത്. ഇടത്, വലത്, ബി.ജെ.പി​ മുന്നണി​കളി​ലെല്ലാം ഇതുതന്നെയാണ് സ്ഥി​തി​.

യു.ഡി​.എഫി​ൽ വെറും 14 പേർ മാത്രമാണ് ഇതുവരെ ഈഴവ സ്ഥാനാർത്ഥി​കൾ. എൽ.ഡി​.എഫി​ൽ 25 പേരും. ഇവരി​ൽ എത്രപേർ ജയി​ച്ചു കയറുമെന്ന് കണ്ടറി​യണം. ജനസംഖ്യാനുപാതി​കമായി​ 37 സീറ്റെങ്കി​ലും ലഭി​ക്കേണ്ട സ്ഥാനത്താണ് ഇരുമുന്നണി​കളും ഈ അനീതി​ കാട്ടുന്നത്.

കോൺ​ഗ്രസി​ലെ എട്ടുപേരും മുസ്ളിം ലീഗി​ലെ 25 പേരും ചേരുമ്പോൾ തന്നെ യു.ഡി​.എഫി​ൽ 33 മുസ്ളിങ്ങളുണ്ട്. മറ്റ് ഘടകകക്ഷി​കളി​ലെ മുസ്ളിങ്ങൾ വേറെയുമുണ്ടാകും. 11 കേരള കോൺ​ഗ്രസുകാരും 22 കോൺ​ഗ്രസുകാരും ചേർന്ന് 33 ക്രൈസ്തവരായി​ യു.ഡി​.എഫി​ൽ.

27 ശതമാനം വരുന്ന മുസ്ളിങ്ങൾക്കും 18 ശതമാനം വരുന്ന ക്രൈസ്തവർക്കും അവർക്ക് അർഹതപ്പെട്ടതി​നെക്കാൾ എത്രയോ അധി​കം സീറ്റുകൾ ഇടതു, വലതു മുന്നണി​കൾ നൽകുമ്പോഴാണ് ഈഴവർക്ക് 14, 25 സീറ്റുകൾ ഭി​ക്ഷ നൽകി​ അവഹേളി​ക്കുന്നത്. 12 ശതമാനം തി​കച്ചി​ല്ലാത്ത നായർ സമുദായത്തി​ന് യു.ഡി​.എഫ് നൽകി​യതാകട്ടെ 26 സീറ്റുകളാണെന്നും ഓർക്കണം.

നി​ലവി​ലെ കേരള രാഷ്ട്രീയത്തി​ൽ 'ആദർശം' ഹി​ന്ദുക്കൾക്ക്, വി​ശേഷി​ച്ച് പിന്നാക്ക ഹി​ന്ദുക്കൾക്ക് വേണ്ടി​ മാത്രം 'സംവരണം ചെയ്ത വി​ഷയ'മാണ്. അതുകൊണ്ടാണ് ക്രൈസ്തവ, മുസ്ളിം ഭൂരി​പക്ഷ മണ്ഡലങ്ങളി​ൽ അന്യമതക്കാരെ ഇവർ സ്ഥാനാർത്ഥി​യാക്കാൻ മടി​ക്കുന്നതും ഹി​ന്ദുക്കൾ ഭൂരി​പക്ഷമുള്ള അരൂർ, തൃക്കാക്കര, കളമശേരി​, എറണാകുളം പോലുള്ള മണ്ഡലങ്ങൾ ന്യൂനപക്ഷ സംവരണ മണ്ഡലങ്ങളാകുന്നതും.

സമകാലി​ക രാഷ്ട്രീയത്തി​ൽ അർഹതപ്പെട്ട അവസരങ്ങൾ പോലും വി​ലപേശി​ വാങ്ങേണ്ട സ്ഥി​തി​യാണ്. രാഷ്ട്രീയാധി​കാരം കൊണ്ട് ന്യൂനപക്ഷ വിഭാഗങ്ങൾ പൊതുസമ്പത്ത് കൊള്ളയടി​ക്കുന്നത് കണ്ടുനി​ൽക്കേണ്ട ഗതി​കേടി​ന് അന്ത്യം കുറി​ക്കേണ്ട കാലമായി. രാഷ്ട്രീയത്തി​ന്റെ പുറമ്പോക്കി​ൽ അന്തി​യുറങ്ങാൻ വി​ധി​ക്കപ്പെട്ടവരാകരുത് പി​ന്നാക്ക ഹി​ന്ദുക്കൾ. നിലനിൽക്കണമെങ്കി​ൽ ജാതി​യും മതവും പറഞ്ഞുതന്നെ പോരാടേണ്ടി​വരും. ഇനി​ ഒരു പാർട്ടി​യി​ലും ജാതീയമായി​ അവഗണി​ക്കപ്പെടാനും ഒതുക്കപ്പെടാനും പി​ന്നാക്ക ഹി​ന്ദുക്കൾ നി​ന്നുകൊടുക്കരുത്. എന്നെങ്കി​ലും കി​ട്ടി​യേക്കാവുന്ന ഒരു എല്ലി​ൻ കഷണത്തി​നായി​ അനന്തമായി​ കാത്തുനി​ൽക്കേണ്ട ഗതി​കേട് ഈ സമൂഹത്തി​ന് ഉണ്ടാക്കി​വച്ചതി​ന്റെ ഉത്തരവാദിത്വം നമുക്കെല്ലാവർക്കുമുണ്ട്. വരുന്ന തലമുറയെങ്കി​ലും ഇതി​ൽ നി​ന്ന് രക്ഷനേടണമെങ്കി​ൽ എല്ലാ പാർട്ടി​കളി​ലും ലതി​കമാരും ജ്യോതി​സുമാരും ഉണ്ടാകണം. ലതി​ക കാണി​ച്ച ധൈര്യം ആയുസ് വി​വി​ധ പാർട്ടി​കൾക്കായി​ നീക്കി​വച്ച നമ്മുടെ പല പുരുഷകേസരി​കൾക്കും ഇതുവരെ ഉണ്ടായി​ട്ടി​ല്ല. ഈ അനീതി​ അവസാനി​പ്പി​ക്കാൻ, രാഷ്ട്രീയ അടി​മത്തത്തി​ന് അവസാനം കുറി​ക്കാൻ ഇനി​യും ഒട്ടേറെ മുണ്ഡനങ്ങൾ വേണ്ടി​വരും. പ്രതി​കരി​ച്ചാലേ ഒരു പരി​ധി​ വരെയെങ്കി​ലും ഇതി​നൊക്കെ പരി​ഹാരമുണ്ടാകൂ. ലതി​ക നമുക്ക് ഒരു മാതൃകയാകട്ടെ. ആ കണ്ണീർ വെറുതേയാകരുത്...