കൊച്ചി: ലാവ്‌ലിൻ കേസിലെ സാമ്പത്തിക ഇടപാടുമായി ബന്ധപ്പെട്ട പരാതിയിൽ എൻഫോഴ്സ്‌മെന്റ് ഡയറക്ടറേറ്റ് (ഇ.ഡി) ക്രൈം നന്ദകുമാറിന്റെ മൊഴി രേഖപ്പെടുത്തി. ഇന്നലെ രാവിലെ 11ന് കൊച്ചിയിലെ ഇ.ഡി ഓഫീസിൽ ഹാജരായ നന്ദകുമാർ കേസുമായി ബന്ധപ്പെട്ട രേഖകൾ അന്വേഷണ ഉദ്യോഗസ്ഥന് കൈമാറി.

മുഖ്യമന്ത്രി പിണറായി വിജയൻ, മുൻമന്ത്രി എം.എ. ബേബി എന്നിവർക്കെതിരെയുള്ള രേഖകളാണ് കൈമാറിയതെന്ന് നന്ദകുമാർ പറഞ്ഞു. മന്ത്രി തോമസ് ഐസക്കിനെതിരായ രേഖകൾ നൽകിയിട്ടില്ല. 24ന് വീണ്ടും ഹാജരാകാൻ ആവശ്യപ്പെട്ടിട്ടുണ്ട്. അന്ന് കൂടുതൽ രേഖകൾ കൈമാറും. 2006ൽ നൽകിയ പരാതിയുടെ അടിസ്ഥാനത്തിലാണ് നന്ദകുമാറിനോട് തെളിവുകളുണ്ടെങ്കിൽ ഹാജരാക്കാൻ ഇ.ഡി ആവശ്യപ്പെട്ടത്.