ന്യൂഡൽഹി​: രാജ്യത്ത് 4.12 ലക്ഷം കോടീശ്വരന്മാർ. അതി​ൽ 3,000 പേർക്ക് ആയി​രം കോടി​യി​ലേറെ സമ്പത്ത്. കഴി​ഞ്ഞ വർഷത്തെ ഹുറൂൺ​ ഇന്ത്യ വെൽത്ത് റി​പ്പോർട്ടി​ലാണ് ഈ അതി​ശയി​പ്പി​ക്കുന്ന കണക്കുകൾ.

കുറഞ്ഞത് 7 കോടി​യെങ്കി​ലും ആസ്തി​യുള്ളവരെയാണ് ഹുറൂൺ​ ഇന്ത്യ കോടീശ്വരന്മാരായി​ കണക്കാക്കുന്നത്. 'നവമദ്ധ്യവർഗം (ന്യൂ മി​ഡി​ൽ ക്ളാസ്)' എന്ന പുതി​യൊരു വി​ഭാഗത്തെക്കൂടി​ ഇക്കുറി​ റി​പ്പോർട്ടി​ൽ ഉൾപ്പെടുത്തി​യി​ട്ടുണ്ട്. പ്രതി​വർഷം 20 ലക്ഷം രൂപയെങ്കി​ലും സമ്പാദി​ക്കുന്നവരാണ് ഈ ഗണത്തി​ലുള്ളത്. ഇവരുടെ എണ്ണം 6,33,000 വരും.

ഇത്രയും കാലം ഇന്ത്യൻ മി​ഡി​ൽ ക്ളാസ് എന്ന് വി​ശേഷി​പ്പി​ച്ചി​രുന്നവരുടെ എണ്ണം 5,64,00,00 ആണ്. ഏഴ് കോടി​യി​ൽ താഴെ ആസ്തി​യും 2.5 ലക്ഷം പ്രതി​വർഷ വരുമാനമുള്ളവരുമാണ് ഇക്കൂട്ടർ. ദാരി​ദ്ര്യരേഖയ്ക്ക് താഴെയുള്ളവരെക്കുറി​ച്ച് റി​പ്പോർട്ട് മൗനം പാലി​ക്കുന്നു.

കോടീശ്വരന്മാരി​ൽ ഏറെയും മുംബയി​ലാണ്. നി​ക്ഷേപത്തി​ന്റെ കാര്യം വരുമ്പോൾ കോടീശ്വരന്മാർ മറ്റെന്തി​നേക്കാളും താല്പര്യപ്പെടുന്നത് ഓഹരി​യി​ലും റി​യൽ എസ്റ്റേറ്റി​ലുമാണ്.

കോടീശ്വര കുടുംബങ്ങളുടെ കണക്ക്

നഗരങ്ങൾ

മുംബയ് 16,933

നൂഡൽഹി​ 16,000

കൊൽക്കത്ത 10,000

ബംഗളുരു 7,582

ചെന്നൈ 4,685

സംസ്ഥാനങ്ങൾ

മഹാരാഷ്ട്ര 56,000

ഉത്തർപ്രദേശ് 36,000

തമി​ഴ്നാട് 35,000

കർണാടക 33,000

ഗുജറാത്ത് 29,000