കോലഞ്ചേരി: കുന്നത്തുനാട്ടിലെ ഇടത് മുന്നണി സ്ഥാനാർത്ഥി അഡ്വ.പി.വി. ശ്രീനിജിൻ നാമനിർദ്ദേശ പത്രിക സമർപ്പിച്ചു. ഇന്നലെ രാവിലെ 11 മണിയോടെ ഉപവരണാധികാരിയായ വടവുകോട് ബി.ഡി.ഒ മുമ്പാകെയാണ് പത്രിക നൽകിയത്. സി.പി.എം ഏരിയാ സെക്രട്ടറി സി.കെ.വർഗീസ്, ജില്ലാ കമ്മി​റ്റിയംഗം സി.ബി.ദേവദർശൻ തുടങ്ങിയവർ പങ്കെടുത്തു. പത്രികാ സമർപണത്തിനായി സി.എ.സ്മാരക മന്ദിരത്തിൽ നിന്നും ഇടത് നേതാക്കളോടും പ്രവർത്തകരോടുമൊപ്പം പ്രകടനമായാണ് സ്ഥാനാർത്ഥി എത്തിയത്. നേതാക്കളായ ജോർജ് ഇടപ്പർത്തി, കെ.എസ്.അരുൺകുമാർ, എം.പി.ജോസഫ്, റെജി ഇല്ലിക്കപറമ്പിൽ, പൗലോസ് മുടക്കന്തല, ഷൈജു ദാമോദർ തുടങ്ങിയവർ നേതൃത്വം നൽകി.