കോലഞ്ചേരി: പ്രലോഭനങ്ങളെ മറന്ന് തിരഞ്ഞെടുപ്പിനെ നേരിടണമെന്ന് ഉമ്മൻചാണ്ടി. നിസഹകരണത്തിലൂടെയും, അഹിംസയിലൂടെയും രാജ്യത്തിന് കിട്ടിയ സ്വാതന്ത്റ്യം ഒരു കിറ്റിന്റെ പേരിൽ നഷ്ടപ്പടുത്തരുത്, സ്വതന്ത്റ്യം ഒരാളുടെ മുന്നിൽ അടിയറ വെക്കനുള്ളതല്ലെന്നും അദ്ദേഹം ഓർമ്മിപ്പിച്ചു. ഐക്യ ജനാധിപത്യ മുന്നണിക്കെതിരെ വെല്ലുവിളി നടത്തുന്ന കോർപ്പറേറ്റ് മുന്നണി തിരഞ്ഞെടുപ്പിൽ റൺഔട്ടാകുമെന്ന് യോഗത്തിൽ മുഖ്യ പ്രഭാഷണം നടത്തിയ ബെന്നി ബഹനാൻ പറഞ്ഞു. ഇന്നലെ രാവിലെ കോലഞ്ചേരിയിലുള്ള കേന്ദ്ര തിരഞ്ഞെടുപ്പ് കമ്മിറ്റി ഓഫീസ് അങ്കണത്തിൽ നടന്ന കൺവെൻഷനിൽ ടി.എച്ച്. മുസ്തഫ, ബെന്നി ബഹനാൻ, സുലൈമാൻ റാവുത്തർ, വി.പി. സജീന്ദ്രൻ, ജെയ്‌സൻ ജോസഫ്, ഐ.കെ. രാജു ,സി.പി. ജോയി, എം.പി. രാജൻ, ബിനീഷ് പുല്യാട്ടേൽ, സുജിത്ത് പോൾ തുടങ്ങിയവർ സംസാരിച്ചു. സമ്മേളാനന്തരം സെന്റ് പിറ്റേഴ്‌സ് കോളജ് മുൻ പ്രിൻസിപ്പലും ക്രിസ്റ്റ്യൻ റിവൈവൽ ഫെലോഷിപ്പിന്റെ സ്ഥാപക പ്രസിഡന്റുമായ പ്രൊഫ. എം.വൈ. യോഹന്നാനെ ഉമ്മൻ ചാണ്ടി സന്ദർശിച്ചു.