അങ്കമാലി: നിയോജകമണ്ഡലത്തിലെ യു.ഡി.എഫ് സ്ഥാനാർത്ഥി റോജി എം. ജോണിന്റെ തിരഞ്ഞെടുപ്പ് പ്രചാരണാർത്ഥം തുറവൂർ പഞ്ചായത്ത് തല തിരഞ്ഞെടുപ്പ് കൺവെൻഷൻ നടന്നു. കെ.പി.സി.സി സെക്രട്ടറി അബ്ദുൾ മുത്തലീബ് ഉദ്ഘാടനം ചെയ്തു. യോഗത്തിൽ മണ്ഡലം പ്രസിഡന്റ് എം.പി. മാർട്ടിൽ അദ്ധ്യക്ഷത വഹിച്ചു. സ്ഥാനാർത്ഥി റോജി എം. ജോൺ, മുൻ എം.ൽ.എ പി.ജെ. ജോയി, ഐ.എൻ.ടി.യു.സി സംസ്ഥാന ജനറൽ സെക്രട്ടറി പി.ടി പോൾ, ബ്ലോക്ക് കോൺഗ്രസ് പ്രസിഡന്റുമാരായ സാംസൺ ചാക്കോ, അഡ്വ.കെ.എസ്.ഷാജി, അങ്കമാലി നിയോജകമണ്ഡലം തിരഞ്ഞെടുപ്പ് കമ്മറ്റി ചെയർമാൻ ബേബി. വി. മുണ്ടാടൻ, തുറവൂർ പഞ്ചായത്ത് പ്രസിഡന്റ് ജിനി രാജീവ് എന്നിവർ സംസാരിച്ചു.