കോലഞ്ചേരി: ജില്ലയിലെ മികച്ച പി.​ടി.എ പ്രവർത്തനത്തിനുള്ള ഒന്നാംസ്ഥാനം പഴന്തോട്ടം ഹയർ സെക്കൻഡറി സ്കൂളിന് ലഭിച്ചു. കുട്ടികളും അദ്ധ്യാപകരും കണ്ടുമുട്ടാത്ത ഓൺലൈൻ പഠന കാലത്ത് നടത്തിയ വ്യത്യസ്തവുമായ പ്രവർത്തനങ്ങളുടെ അടിസ്ഥാനത്തിലാണ് ഒന്നാം സ്ഥാനം ലഭിച്ചത്. ആലുവ വിദ്യാഭ്യാസ ഓഫീസർ എൻ.ഡി. സുരേഷ് അവാർഡ് വിതരണം ചെയ്തു. ഹെഡ്മാസ്​റ്റർ ഹരീന്ദ്രൻ കൊയിലോടൻ, സുഭാഷ് ചന്ദ്രൻ, സെൽവരാജ്, ഫാ.എൽദോ, അനിൽ ബാബു, പ്രദീപ് എന്നിവർ ചേർന്ന് ട്രോഫി ഏറ്റുവാങ്ങി.