കോലഞ്ചേരി: കിഴക്കമ്പലത്തിന്റെ മനസുണർത്തി കുന്നത്തുനാട്ടിലെ എൽ.ഡി.എഫ് സ്ഥാനാർത്ഥി പി.വി.ശ്രീനിജിന് കിഴക്കമ്പലം പഞ്ചായത്ത് തല പൊതു പര്യടനത്തിൽ സ്വീകരണം നൽകി. നൂറു കണക്കിന് ഇരു ചക്രവാഹനങ്ങളുടെ അകമ്പടിയോടെയായിരുന്നു പര്യടനം. കാവുങ്ങപറമ്പിൽ നിന്നായിരുന്നു പര്യടനത്തിന്റെ തുടക്കം. ഉച്ചക്ക് കിഴക്കമ്പലം മാർക്ക​റ്റ് ജംഗ്ഷനിൽ സമാപിച്ചു. ഉച്ച കഴിഞ്ഞ് പഴങ്ങനാട് കപ്പേളയിൽ നിന്നാരംഭിച്ച പര്യടനം മലയിടം തുരുത്ത് ഷാപ്പ് കവലയിൽ സമാപിച്ചു. ഇടതുമുന്നണി നേതാക്കളായ ജോർജ് ഇടപ്പരത്തി, കെ.വി.ഏലിയാസ്, സി.ബി. ദേവദർശൻ, റെജി ഇല്ലിക്കപറമ്പിൽ, എം.ടി. തങ്കച്ചൻ, ജിൻസ് ടി.മുസ്തഫ തുടങ്ങിയവർ നേതൃത്വം നൽകി.