ആലുവ: അശോകപുരം പി.കെ. വേലായുധൻ മെമ്മോറിയൽ വിദ്യാവിനോദിനി ലൈബ്രറി മുൻ ലൈബ്രറി പ്രസിഡന്റ് എ.സി. ജോസ് അനുസ്മരണ സമ്മേളനം ചൂർണിക്കര ഗ്രാമപഞ്ചായത്ത് പ്രസിഡന്റ് രാജി സന്തോഷ് ഉദ്ഘാടനം ചെയ്തു. ലൈബ്രറി വൈസ് പ്രസിഡന്റ് ടി.ഐ. ഇക്ബാൽ അദ്ധ്യക്ഷത വഹിച്ചു. ചൂർണിക്കര പഞ്ചായത്ത് മുൻ പ്രസിഡന്റ് എ.പി. ഉദയകുമാർ മുഖ്യപ്രഭാഷണം നടത്തി. താലൂക്ക് ലൈബ്രറി കൗൺസിൽ സെക്രട്ടറി അഡ്വ.വി.കെ. ഷാജി, വാഴക്കുളം ബ്ലോക്ക് പഞ്ചായത്ത് അംഗം ലിസി സെബാസ്റ്റ്യൻ, ജില്ലാ ലൈബ്രറി കൗൺസിൽ എക്‌സി.കമ്മിറ്റി അംഗം എസ്.എ.എം. കമാൽ, താലൂക്ക് ലൈബ്രറി കൗൺസിൽ എക്‌സി.കമ്മിറ്റി അംഗം കെ.എ. രാജേഷ്, ഡോ.സി.ജെ. വർഗീസ് സി.കെ. ജയൻ, കെ.എ. ഷാജിമോൻ, എ.ഡി. അശോക്‌കുമാർ എന്നിവർ സംസാരിച്ചു.