കൊച്ചി: ജർമൻ മിഷനറി അർണോസ് പാതിരിയുടെ 'ഉമ്മായുടെ ദു:ഖത്തെ' ആസ്പദമാക്കി തൃശൂർ ചേതന ഗാനാശ്രമം ആവിഷ്‌കരിച്ച സംഗീതനൃത്ത ആൽബം സീറോമലബാർ സഭാ മേജർ ആർച്ച് ബിഷപ്പ് കർദിനാൾ ജോർജ് ആലഞ്ചേരി കേരള സംഗീത നാടക അക്കാഡമിയുടെ മുൻ സെക്രട്ടറിയും നാടകകൃത്തുമായ ശ്രീമൂലനഗരം മോഹന് നൽകി പ്രകാശനം ചെയ്തു.

ഫാ.ഡോ. പോൾ പൂവത്തിങ്കലും പ്രൊഫ. അബ്ദുൾ അസീസും ചേർന്ന് സംഗീതം പകർന്ന ആൽബത്തിൽ ഫാ. പോൾ പൂവത്തിങ്കലും സംഘവും ആലാപനം നടത്തി. കലാമണ്ഡലം ഹുസ്‌നാബാനു, കലാമണ്ഡലം ഷെറിൻ എന്നിവർ നൃത്തസംവിധാനം നിർവഹിച്ചു. ആൽബം യൂട്യൂബിൽ ഫാ. പോൾ പൂവത്തിങ്കൽ എന്ന തലകെട്ടിൽ ലഭ്യമാണ്.

ചടങ്ങിൽ വേലൂർ അർണോസ് പാതിരി അക്കാഡമി ഡയറക്ടർ ഫാ. ഡോ. ജോർജ് തേനാടികുളം, ചേതന ഡയറക്ടർ ഫാ. ഡോ. പോൾ പൂവത്തിങ്കൽ, ജോൺ കള്ളിയത്ത്, ആന്റണി പുത്തൂർ എന്നിവർ പ്രസംഗിച്ചു.