കോലഞ്ചേരി: കുന്നത്തുനാടിന്റെ ഹൃദയം കവർന്ന് ശ്രീനിജിൻ. മെട്രോ നഗരവുമായും ഇൻഫോപാർക്കുമായും അതിർത്തി പങ്കിടുന്ന കുന്നത്തുനാട് പഞ്ചായത്തിലെ ഗ്രാമ ഗ്രാമാന്തരങ്ങളിൽ ആവേശ നിർഭരമായ സ്വീകരണമാണ് സ്ഥാനാർത്ഥിക്ക് ലഭിച്ചത്. പട്ടിമ​റ്റം ടൗണിൽ നിന്നായിരുന്നു പര്യടനത്തിന്റെ തുടക്കം. സി.പി.എം ജില്ലാ സെക്രട്ടേറിയറ്റംഗം പി.ആർ. മുരളീധരൻ ഉദ്ഘാടനം ചെയ്തു. മുണേലിമുകളിൽ സമാപിച്ചു. ഉച്ചക്ക് ശേഷം പറക്കോട് നിന്നാരംഭിച്ച പര്യടനം പെരിങ്ങാലയിൽ സമാപിച്ചു. ചുഴലിക്കാ​റ്റ് നാശം വിതച്ച ഐരാപുരം വിമ്മല കോളനിയിലെ വീടുകൾ സന്ദർശിച്ചു. സി.ബി. ദേവദർശനൻ, ജോർജ് ഇടപ്പരത്തി, റെജി ഇല്ലിക്ക പറമ്പിൽ, സി.പി. ഗോപാലകൃഷ്ണൻ തുടങ്ങിയവർ വിവിധ കേന്ദ്രങ്ങളിൽ സംസാരിച്ചു.