കോലഞ്ചേരി: കൊച്ചി ധനുഷ്‌കോടി ദേശീയപാതയോരത്ത് പുതുപ്പനത്തിനു സമീപം ചൂണ്ടി വാട്ടർ അതോറി​റ്റിയുടെ പൈപ്പ് പൊട്ടി കുടിവെള്ളം പാഴാകുന്നു. രണ്ടു മാസത്തോളമായി ഉച്ച മുതൽ രാത്രി വൈകും വരെ കുടിവെള്ളം റോഡിലൂടെ ഒഴുകുകയാണ്. വേനൽ കടുത്തതോടെ കുടിവെള്ള ക്ഷാമം രൂക്ഷമാകുന്ന സാഹചര്യത്തിലാണ് ആയിരക്കണക്കിനു ലി​റ്റർ കുടിവെള്ളം പാഴാകുന്നത്. കാലപ്പഴക്കം ചെന്ന പൈപ്പുകൾ സമയോചിതമായി

മാ​റ്റാത്തതിനാലാണ് എപ്പോഴും പൈപ്പ് പൊട്ടുന്നത്. പൈപ്പ് പൊട്ടി വെള്ളം പാഴാകുന്നതിനാൽ ഉയർന്ന പ്രദേശങ്ങളിൽ കുടിവെള്ളമെത്തുന്നില്ലെന്ന പരാതിയുമുണ്ട്.