കൊച്ചി: നിയമസഭാ സ്പീക്കർ പി.ശ്രീരാമകൃഷ്‌ണൻ വ്യക്തിപരമായ ദുരുദ്ദേശ്യത്തോടെ ഫ്ളാറ്റിലേക്ക് വിളിച്ചുവരുത്തിയെന്നും, വഴങ്ങാത്തതിനാൽ ഒമാനിലെ മിഡിൽ ഇൗസ്റ്റ് കോളേജിൽ വാഗ്ദാനം ചെയ്തിരുന്ന ജോലി നിഷേധിച്ചെന്നും സ്വർണക്കടത്തു കേസ് പ്രതി സ്വപ്ന സുരേഷിന്റെ മൊഴി. കഴിഞ്ഞ ഡിസംബർ 16ന് അട്ടക്കുളങ്ങര വനിതാ ജയിലിൽ ഇ.ഡി. ചോദ്യം ചെയ്തപ്പോൾ നൽകിയ മൊഴിയാണ് പുറത്തുവന്നത്.

സ്വർണക്കടത്തു കേസിൽ മുഖ്യമന്ത്രിയുടെ പേരു പറയാൻ ഇ.ഡി സ്വപ്നയെ ഭീഷണിപ്പെടുത്തിയെന്നാരോപിച്ച് ക്രൈംബ്രാഞ്ച് രജിസ്റ്റർ ചെയ്ത കേസ് റദ്ദാക്കാൻ ഇ.ഡി ഡെപ്യൂട്ടി ഡയറക്ടർ പി. രാധാകൃഷ്‌ണൻ നൽകിയ ഹർജിയിൽ ഇൗ മൊഴിയും ഹൈക്കോടതിയിൽ നൽകിയിട്ടുണ്ട്.

മൊഴി ഇങ്ങനെ

വളരെക്കുറച്ചു കാലമേ സ്പീക്കർ പദവിയുണ്ടാകൂവെന്നും ,അതിനിടെ സമ്പാദ്യമുണ്ടാക്കുന്ന

കാര്യം യു.എ.ഇ കോൺസൽ ജനറലിനോടു പറയണമെന്നും ശ്രീരാമകൃഷ്‌ണൻ ആവശ്യപ്പെട്ടു. കോൺസൽ ജനറലിനെ പരിചയപ്പെടുത്തിക്കൊടുത്തു. പലതവണ ഒൗദ്യോഗിക വസതിയിലേക്ക് ക്ഷണിച്ചിട്ടുണ്ട്. ഞാനും ഭർത്താവ് ജയശങ്കറും ശിവശങ്കറിനൊപ്പം അത്താഴത്തിനു ചെന്നപ്പോൾ മിഡിൽ ഇൗസ്റ്റ് കോളേജിൽ എന്നെ നിയമിക്കണമെന്ന് ശിവശങ്കർ പറഞ്ഞത് ശ്രീരാമകൃഷ്ണൻ സമ്മതിച്ചു.

രണ്ടുതവണ പേട്ടയിലെ ഫ്ളാറ്റിലേക്ക് ക്ഷണിച്ചിട്ടുണ്ട്. തന്റെ ഒളിത്താവളമാണിതെന്ന് അദ്ദേഹം പറഞ്ഞിരുന്നു.ഒരിക്കൽ സരിത്തിനൊപ്പം അവിടെ പോയിരുന്നു.അദ്ദേഹത്തിന്റെ താത്പര്യങ്ങൾക്ക് വഴങ്ങാത്തതിനാൽ മിഡിൽ ഇൗസ്റ്റ് കോളേജിൽ എന്നെ നിയമിക്കുന്ന നടപടി ഉപേക്ഷിച്ചു.

ഒരു ദിവസം സരിത്തുമായി പേട്ടയിലെ ഫ്ളാറ്റിലെത്താൻ ആവശ്യപ്പെട്ടതനുസരിച്ച് ഞാനും ഭർത്താവും സരിത്തിനൊപ്പം പോയി. കോൺസൽ ജനറലിനു നൽകാൻ ഒരു പായ്ക്കറ്റടങ്ങിയ ബാഗ് സരിത്തിനെ ഏല്പിച്ചു. പേട്ടയിലെ ഫ്ളാറ്റ് മറ്റാരുടെയോ പേരിലാണെങ്കിലും തന്റെേതാണെന്ന് അദ്ദേഹം പറഞ്ഞിട്ടുണ്ട്.

സന്ദീപിന്റെ 'കാർബൺ ഡോക്ടർ' എന്ന സ്ഥാപനത്തിന്റെ ഉദ്ഘാടനത്തിനു ഫോണിൽ ക്ഷണിച്ചപ്പോൾ സൗജന്യമായി ഒന്നും ചെയ്യില്ലെന്നായിരുന്നു മറുപടി. സന്ദീപും സരിത്തും വില കൂടിയ വാച്ച് സമ്മാനമായി നൽകിയശേഷമാണ് വന്നത്. സ്റ്റാർട്ട് അപ്പ് മിഷനിലൂടെ സന്ദീപിന്റെ സ്ഥാപനത്തെ പ്രോത്സാഹിപ്പിക്കണമെന്ന് അദ്ദേഹം ശിവശങ്കറിനോട് ആവശ്യപ്പെട്ടു. ചില കെ.എസ്.ആർ.ടി.സി ബസുകൾ സൗജന്യമായി ഡീ-കാർബണൈസ് ചെയ്യാനും അതുവഴി മുഴുവൻ ബസിനുമുള്ള കരാർ തരപ്പെടുത്താനും പദ്ധതിയിട്ടു.

മൊ​ഴി​രൂ​പ​ത്തി​ൽ​ ​വ്യാജ പ്ര​ചാ​ര​ണം​:​ ​സ്‌​പീ​ക്കർ

തി​രു​വ​ന​ന്ത​പു​രം​:​മൊ​ഴി​യെ​ന്ന​ ​രൂ​പ​ത്തി​ൽ​ ​എ​ന്ത് ​തോ​ന്ന്യാ​സ​വും​ ​എ​ഴു​തി​പി​ടി​പ്പി​ക്കാ​മെ​ന്ന​ ​ത​ര​ത്തി​ൽ​ ​അ​ന്വേ​ഷ​ണ​ ​ഏ​ജ​ൻ​സി​ക​ൾ​ ​ത​രം​ ​താ​ഴു​ന്ന​ത് ​ജ​നാ​ധി​പ​ത്യ​രാ​ജ്യ​ത്തി​ന് ​ഭൂ​ഷ​ണ​മ​ല്ലെ​ന്ന് ​സ്‌​പീ​ക്ക​ർ​ ​പി.​ശ്രീ​രാ​മ​കൃ​ഷ്ണ​ൻ​ ​പ​റ​ഞ്ഞു.
ഫ്ളാ​റ്റി​ലേ​ക്ക് ​സ്വ​പ്ന​യെ​ ​ദു​രു​ദ്ദേ​ശ്യ​ത്തോ​ടെ​ ​വി​ളി​ച്ചെ​ന്ന​ ​മൊ​ഴി​ക്കെ​തി​രെ​ ​ഫേ​സ് ​ബു​ക്കി​ലൂ​ടെ​യാ​ണ് ​സ്പീ​ക്ക​റു​ടെ​ ​പ്ര​തി​ക​ര​ണം.​ ​ക​ള്ള​ക്ക​ട​ത്ത് ​കേ​സു​ക​ൾ​ ​സ്വ​ന്തം​ ​പാ​ർ​ട്ടി​യി​ൽ​ ​ചെ​ന്ന് ​മു​ട്ടി​ ​നി​ൽ​ക്കു​മ്പോ​ൾ​ ​അ​തി​ൽ​ ​നി​ന്നു​ ​ശ്ര​ദ്ധ​ ​തി​രി​ക്കാ​ൻ​ ​സ​ർ​ക്കാ​രി​നും​ ​മു​ഖ്യ​മ​ന്ത്രി​ക്കും​ ​സ്‌​പീ​ക്ക​ർ​ക്കു​മെ​തി​രെ​ ​അ​പ്പം​ ​ചു​ട്ടെ​ടു​ക്കു​ന്ന​ ​ലാ​ഘ​വ​ത്തി​ൽ​ ​'​മൊ​ഴി​ക​ൾ​'​ ​ഉ​ണ്ടാ​ക്കി​ ​വ്യ​ക്തി​ഹ​ത്യ​ ​ന​ട​ത്താ​നു​ള്ള​ ​പു​റ​പ്പാ​ട് ​അം​ഗീ​ക​രി​ക്കാ​നാ​വി​ല്ല.​ ​അ​തി​നെ​ ​എ​ല്ലാ​ ​ത​ര​ത്തി​ലും​ ​നേ​രി​ടും.​ ​തി​ര​ഞ്ഞെ​ടു​പ്പി​ന്റെ​ ​വി​വി​ധ​ ​ഘ​ട്ട​ങ്ങ​ളി​ൽ​ ​അ​ന്വേ​ഷ​ണ​ ​ഏ​ജ​ൻ​സി​ക​ൾ​ ​കൊ​ടു​ത്ത​താ​ണെ​ന്ന​ ​മ​ട്ടി​ൽ​ ​വ്യാ​ജ​ ​പ്ര​ചാ​ര​ണ​ങ്ങ​ൾ​ ​പ​ട​ച്ചു​വി​ടു​ക​യാ​ണ്.​ ​ഇ​ട​തു​പ​ക്ഷ​ ​പ്ര​സ്ഥാ​ന​ത്തെ​യും​ ​പ്ര​വ​ർ​ത്ത​ക​രെ​യും​ ​താ​റ​ടി​ച്ചു​ ​കാ​ണി​ക്കാ​നു​ള്ള​ ​കേ​ന്ദ്ര​ ​ഏ​ജ​ൻ​സി​ക​ളു​ടെ​ ​ശ്ര​മം​ ​കേ​ര​ളം​ ​അ​വ​ജ്ഞ​യോ​ടെ​ ​ത​ള്ളി​ക്ക​ള​യ​ണ​മെ​ന്നും​ ​സ്പീ​ക്ക​ർ​ ​പ​റ​ഞ്ഞു.