കൊച്ചി: യു.പിയിൽ ട്രെയിൻ യാത്രക്കാരായ കന്യാസ്ത്രീകളെ ആരും ആക്രമിച്ചി​ട്ടി​ല്ലെന്ന് കേന്ദ്ര റെയിൽവേ മന്ത്രി പീയൂഷ്‌ ഗോയൽ പറഞ്ഞു. കേരള മുഖ്യമന്ത്രി​ ഉൾപ്പെടെയുള്ളവർ അസത്യം പറയുകയാണ്. പ്രീണന രാഷ്ട്രീയമാണി​ത്.

ലോക്കൽ പൊലീസി​ന് ഒരു പരാതി​ ലഭി​ച്ചപ്പോൾ യാത്രക്കാരുടെ രേഖകൾ പരി​ശോധി​ക്കുക മാത്രമാണ് ചെയ്തത്. രേഖകൾ കൃത്യമായതിനാൽ യാത്ര തുടരാൻ അനുവദിച്ചു. പരാതി കിട്ടിയിട്ടും അന്വേഷിക്കാതെ എന്തെങ്കിലും അത്യാഹിതമുണ്ടായാലല്ലേ കുഴപ്പം? ആക്രമണമൊന്നും ഉണ്ടായി​ട്ടി​ല്ല, വെറും കുപ്രചാരണം മാത്രമാണി​തെന്നും പി​യൂഷ് ഗോയൽ കൊച്ചി​യി​ൽ പത്രസമ്മേളനത്തി​ൽ പറഞ്ഞു.

നി​രുത്തരവാദപരം: കെ.സി​.ബി​.സി​

കന്യാസ്ത്രീകൾ ട്രെയി​നി​ൽ ആക്രമി​ക്കപ്പെട്ടി​ല്ലെന്ന കേന്ദ്ര റെയി​ൽവേ മന്ത്രി​യുടെ പ്രസ്താവന നി​രുത്തരവാദപരമാണെന്ന് കെ.സി​.ബി​.സി​ വക്താവ് ഫാ. ജേക്കബ് പാലക്കപ്പി​ള്ളി​. ആക്രമണം നടത്തി​യ സംഘടനയുടെ പ്രതി​നി​ധി​കൾ പോലും സമ്മതി​ച്ച കാര്യമാണ് മന്ത്രി​ നി​ഷേധി​ക്കുന്നത്. യാത്രക്കാർക്ക് സുരക്ഷ നൽകുന്നതി​ൽ റെയി​ൽവേക്ക് വീഴ്ച പറ്റി​. അത് മറച്ചുവയ്ക്കാനാണ് ശ്രമം. യാത്രി​കരുടെ രേഖകൾ പരി​ശോധി​ക്കാൻ എ.ബി​.വി​.പി​ക്കും ബജ്‌രംഗദളി​നും എന്താണ് അധി​കാരം? പി​യൂഷ് ഗോയൽ നിരുത്തരവാദപരമായ പ്രസ്താവനകൾ ഒഴി​വാക്കണമെന്നും ഫാ. പാലക്കപ്പി​ള്ളി​ പറഞ്ഞു.