അങ്കമാലി: അങ്കമാലി നിയോജകമണ്ഡലം യു.ഡി.എഫ് സ്ഥാനാർത്ഥി റോജി എം.ജോൺ ഇന്നലെ പാറക്കടവ് പഞ്ചായത്തിൽ പര്യടനം നടത്തി. മാമ്പ്ര മാനിഷ ക്ലബ്ബിൽ നിന്നാരംഭിച്ച പ്രചാരണ പര്യടനം ബ്ലോക്ക് കോൺഗ്രസ് പ്രസിഡന്റ് അഡ്വ.കെ.എസ്.ഷാജി ഉദ്ഘാടനം ചെയ്തു. ഡി.സി.സി സെക്രട്ടറി എസ്.ബി.ചന്ദ്രശേഖര വാര്യർ അദ്ധ്യക്ഷത വഹിച്ചു. എളവൂർ പാറയിൽ വച്ച് സ്ഥാനാർത്ഥിയുടെ മാതാപിതാക്കളും പര്യടനത്തിൽ പങ്ക് ചേർന്നു.
മുൻ എം.എൽ.എ പി.ജെ. ജോയി, ജില്ലാ പഞ്ചായത്ത് വൈസ് പ്രസിഡന്റ് ഷൈനി ജോർജ്ജ്, ഐ.എൻ.ടി.യു.സി സംസ്ഥാന സെക്രട്ടറി പി.ടി.പോൾ, കാലടി ബ്ലോക്ക് കോൺഗ്രസ് പ്രസിഡന്റ് സാംസൺ ചാക്കോ, പാറക്കടവ് മണ്ഡലം കോൺഗ്രസ് പ്രസിഡന്റ് എം.പി.നാരായണൻ, പി.സി. വർഗ്ഗീസ്, ഡി.സി.സി സെക്രട്ടറിമാരായ പി.വി. ജോസ്, പഞ്ചായത്ത് പ്രസിഡന്റ് എസ്.വി. ജയദേവൻ എന്നിവർ വിവിധ സ്വീകരണ കേന്ദ്രങ്ങളിൽ പ്രസംഗിച്ചു.