ഇടുക്കി: ജില്ലയിൽ ഇന്നലെ 46 പേർക്ക് രോഗം ബാധിച്ചപ്പോൾ 139 പേർ രോഗമുക്തി നേടി. 42 പേർക്ക് സമ്പർക്കത്തിലൂടെയാണ് രോഗം ബാധിച്ചിരിക്കുന്നത്. രണ്ട് പേർക്ക് രോഗം ബാധിച്ചത് എവിടെ നിന്നാണെന്ന് വ്യക്തമല്ല. ഒരു ആരോഗ്യപ്രവർത്തകനും സംസ്ഥാനത്തിന് പുറത്തുനിന്നും വന്ന ഒരാൾക്കും ഇന്നലെ ജില്ലയിൽ കൊവിഡ്- 19 സ്ഥിരീകരിച്ചു. ഇതോടെ ഇടുക്കി സ്വദേശികളായ 966 പേരാണ് നിലവിൽ കൊവിഡ്- 19 സ്ഥിരീകരിച്ച് ചികിത്സയിലുള്ളത്‌.