ഇടുക്കി: ഉടുമ്പഞ്ചോല നിയോജകമണ്ഡലം ബി.ഡി.ജെ.എസിൽ നിന്ന് ബി.ജെ.പി ഏറ്റെടുത്തു. മണ്ഡലത്തിൽ ശനിയാഴ്ച വൈകിട്ട് ബി.ഡി.ജെ.എസ് സ്ഥാനാർത്ഥിയായി സന്തോഷ് മാധവനെ പ്രഖ്യാപിച്ചിരുന്നു. എന്നാൽ ഇന്നലെ ബി.ജെ.പി കേന്ദ്രനേതൃത്വം പ്രഖ്യാപിച്ച സ്ഥാനാർത്ഥി പട്ടികയിൽ ഉടുമ്പഞ്ചോലയും ഉൾപ്പെട്ടു. മഹിളാ മോർച്ചാ ജില്ലാ പ്രസിഡന്റ് രമ്യ രവീന്ദ്രനെയാണ് സ്ഥാനാർത്ഥിയായി പ്രഖ്യാപിച്ചത്. സീറ്റ് ബി.ജെ.പി ഏറ്റെടുത്തതായും രമ്യയാണ് എൻ.ഡി.എയുടെ സ്ഥാനാർത്ഥിയെന്നും ബി.ഡി.ജെ.എസ് ജില്ലാ പ്രസിഡന്റ് വി. ജയേഷ് പറഞ്ഞു.