ഇടുക്കി: ഫെബ്രുവരി 12 നും 20 നും ഇടയിൽ കൊവാക്‌സിൻ സ്വീകരിച്ച മുൻനിര വിഭാഗത്തിൽപ്പെട്ട ജീവനക്കാർക്ക് രണ്ടാം ഡോസ് വാക്‌സിൻ 18, 19, 20 തീയതികളിൽ അവർ വാക്‌സിൻ സ്വീകരിച്ച കേന്ദ്രങ്ങളിൽ നിന്ന് തന്നെ നൽകും. പാഴാകുന്ന വാക്‌സിൻ സോസുകളുടെ എണ്ണം കുറക്കുന്നതിനായാണ് അടുത്തടുത്ത തിയതികളിലായി വാക്‌സിൻ വിതരണം ക്രമീകരിച്ചിരിക്കുന്നത്. 2555 പേരാണ് ആദ്യഘട്ടം കോവാക്‌സിൻ സ്വീകരിച്ചത്. വാക്‌സിൻ വിതരണം ചെയ്യുന്ന കേന്ദ്രങ്ങളുടെ വിവരങ്ങൾ ചുവടെ: വിതരണ തീയതി, കേന്ദ്രം, പരമാവധി വാക്‌സിൻ നൽകുന്നവരുടെ എണ്ണം എന്നീ ക്രമത്തിൽ. മാർച്ച് 19, 20 തീയതികളിൽ ജില്ലാ ആശുപത്രി തൊടുപുഴ (101), 20 ന് പെരുവന്താനം കുടുംബാരോഗ്യ കേന്ദ്രം (42), 19നും 20നും കാഞ്ചിയാർ കുടുംബാരോഗ്യ കേന്ദ്രം (198), വണ്ടിപ്പെരിയാർ സാമൂഹിക ആരോഗ്യ കേന്ദ്രം (152), 18, 19, 20 തീയതികളിൽ മുട്ടം സാമൂഹിക ആരോഗ്യ കേന്ദ്രം (417), ജില്ലാ ആശുപത്രി ഇടുക്കി (569), 20 ന് കട്ടപ്പന താലൂക്ക് ആശുപത്രി (63), പീരുമേട് താലൂക്ക് ആശുപത്രി (40), ദേവികുളം സാമൂഹിക ആരോഗ്യ കേന്ദ്രം (90), ചിത്തിരപുരം സാമൂഹിക ആരോഗ്യ കേന്ദ്രം (40), വാത്തിക്കുടി പ്രാഥമിക ആരോഗ്യ കേന്ദ്രം (71), 19, 20 തീയതികളിൽ നെടുങ്കണ്ടം താലൂക്ക് ആശുപ്രതി (110), ശാന്തൻപാറ പ്രാഥമിക ആരോഗ്യ കേന്ദ്രം (157), പുറപ്പുഴ സാമൂഹിക ആരോഗ്യ കേന്ദ്രം (232), ഉടുമ്പൻചോല സാമൂഹിക ആരോഗ്യ കേന്ദ്രം (101), ദേവിയാർ കോളനി പ്രാഥമിക ആരോഗ്യ കേന്ദ്രം (172).