ഇടുക്കി: 'ഒരു വോട്ടർ പോലും ഒഴിവാക്കപ്പെടരുത്' എന്ന ലക്ഷ്യത്തോടെ സിവിൽ സ്റ്റേഷനിൽ സ്ഥാപിച്ചിരിക്കുന്ന സിഗ്‌നേച്ചർ വാൾ ജില്ലാ കളക്ടർ എച്ച് ദിനേശനും ജില്ലാ പൊലീസ് മേധാവി ആർ കറുപ്പസാമിയും ചേർന്ന് ഉദ്ഘാടനം ചെയ്തു.' സമ്മതിദാനാവകാശത്തിന്റെ പ്രാധാന്യം ജനങ്ങളിലെത്തിക്കുന്നതിന് ജില്ലാ തിരഞ്ഞെടുപ്പ് വിഭാഗം നടത്തുന്ന സ്വീപ്പ് ബോധവൽക്കരണ പ്രവർത്തനങ്ങളുടെ ഭാഗമായാണ് സിവിൽ സ്റ്റേഷനിൽ സിഗ്‌നേച്ചർ സ്ഥാപിച്ചിട്ടുള്ളത്. ഹരിത പെരുമാറ്റച്ചട്ടം അനുസരിച്ച് തുണിയിലാണ് വാൾ തീർത്തിരിക്കുന്നത്. ജീവനക്കാർക്കും പൊതുജനങ്ങൾക്കും ഇവിടെ തങ്ങളുടെ ഒപ്പ് രേഖപ്പെടുത്തി ഐക്യദാർഢ്യം അറിയിക്കാം.