തൊടുപുഴ: ദേശീയ നിയമ സേവന അതോറിറ്റിയുടെ നേതൃത്വത്തിൽ രാജ്യമൊട്ടാകെ സംഘടിപ്പിച്ചുവരുന്ന ദേശീയ ലോക് അദാലത്ത് ഏപ്രിൽ 10 ന് നടക്കും. ഇതിൻെറ ഭാഗമായി ജില്ാല നിയമ സേവന അതോറിട്ടിയുടെ ആഭിമുഖ്യത്തിൽ

തൊടുപുഴ , ഇടുക്കി , കട്ടപ്പന, പീരുമേട്, ദേവികുളം എന്നീ കോടതി കേന്ദ്രങ്ങളിൽ ലോക് അദാലത്ത് സംഘടിപ്പിക്കുന്നു. വിവിധ കോടതികളുടെ പരിഗണനയിൽ ഇരിക്കുന്നതും അല്ലാത്തതുമായ സിവിൽ, ക്രിമിനൽ, വാഹന അപകട ഇൻഷുറൻസ്, കുടുംബ തർക്കം, റവന്യൂ റിക്കവറി, മുദ്ര വില കുറച്ചു കാണിച്ചതുമായി ബന്ധപ്പെട്ട് രജിസ്‌ട്രേഷൻ വകുപ്പിലുളള കേസുകളും പരിഗണിക്കുന്നു. കേസുകളിൽ നോട്ടീസ് ലഭിച്ച വ്യക്തികൾ ബന്ധപ്പെട്ട കേന്ദ്രങ്ങളിൽ ഏപ്രിൽ 10 നു രാവിലെ 10 ന് ഹാജരാകണമെന്നും അദാലത്ത് കൊണ്ടുള്ള പ്രയോജനം പരമാവധി ഉപയാഗപ്പെടുത്തണമെന്നും നിയമ സേവന അതോറിട്ടി ചെയർമാനും ജില്ലാ ജില്ലാ ജഡ്ജിയുമായ മുഹമ്മദ് വസിം , സെക്രട്ടറി സബ് ജഡ്ജ് റോഷൻ തോമസ് എന്നിവർ അറിയിച്ചു.