ഇടുക്കി: ജില്ലയിലെ തിരഞ്ഞെടുപ്പ് ബോധവൽകരണത്തിന്റെ ഭാഗമായി സ്വീപ് വിഭാഗം തയ്യാറാക്കിയ വോട്ട് പാട്ട് എന്ന ഗാനത്തിന്റെ സിഡി പ്രകാശിപ്പിച്ചു. ജില്ലാ കളക്ടർ എച്ച് ദിനേശൻ സ്വീപ് ജില്ലാ നോഡൽ ഓഫീസറും അസിസ്റ്റന്റ് കളക്ടറുമായ സൂരജ് ഷാജിയ്ക്ക് ഗാനത്തിന്റെ സിഡി നൽകി പ്രകാശനം ചെയ്തു. വോട്ട് ചെയ്യുന്നതിന്റെ പ്രാധാന്യം ജനങ്ങളിൽ എത്തിക്കുക എന്ന ലക്ഷ്യത്തോടെയാണ് സ്വീപ് വോട്ട് പാട്ട് എന്ന ഗാനം പുറത്തിറക്കിയിരിക്കുന്നത് . സ്വീപിന്റെ ചുമതലയുള്ള ഹുസുർ ശിരസ്തദാർ മിനി കെ ജോണിന്റെ നേതൃത്വത്തിൽ ജില്ലയിലുടനീളം വോട്ട് വണ്ടിയും സഞ്ചരിക്കുന്നുണ്ട്.
എഴുത്തുകാരനും മാദ്ധ്യമ പ്രവർത്തകനുമായ ആന്റണി മുനിയറയാണ് ഗാനത്തിന് വരികൾ എഴുതിയത്. ബിനു എസ് നെടുമങ്ങാട് ആണ് സംഗീത സംയോജനം നിർവഹിച്ചിരിക്കുന്നത് സൽജി ഈട്ടിത്തോപ്പ്, സർക്കാർ ജീവനക്കാരായ ജോസ് സെബാസ്റ്റ്യൻ, കുഞ്ഞുമോൻ, ഫ്രഡി, രാജിമോൾ എൻകെ, നിസ്സമോൾ എന്നിവർ ചേർന്നാണ് ഗാനം ആലപിച്ചിരിക്കുന്നത്.