ഇടുക്കി: ജില്ലയിൽ തിരഞ്ഞെടുപ്പ് പ്രചാരണത്തിന്റെ ഇരുചക്രവാഹനറാലി വോട്ടെടുപ്പിന് 72 മണിക്കൂർ മുമ്പ് നിർത്തിവയ്ക്കണമെന്ന് ജില്ലാ വരണാധികാരിയായ ജില്ലാ കളക്ടർ ഉത്തരവിട്ടു. ചിലയിടങ്ങളിൽ സാമൂഹ്യ വിരുദ്ധർ ഇരുചക്രവാഹനറാലിയിൽ കടന്നു കൂടി പ്രശ്‌നങ്ങളുണ്ടാക്കുന്ന സാഹചര്യത്തിലാണു തിരഞ്ഞെടുപ്പ് കമ്മിഷന്റെ നിർദ്ദേശമുണ്ടായിരിക്കുന്നത്. കമ്മിഷന്റെ നിർദ്ദേശം പാലിക്കുന്നുണ്ടെന്ന് എല്ലാ രാഷ്ട്രീയ പാർട്ടികളും ഉറപ്പുവരുത്തണമെന്ന് ജില്ലാ വരണാധികാരി അറിയിച്ചു.