വെള്ളരിക്കുണ്ട് :(കാഞ്ഞങ്ങാട്) ഓടുമേഞ്ഞ കെട്ടിടത്തിന് മുകളിൽ ഒരു മരമുണ്ട്. കിനാനൂർ കിനാനൂർ കരിന്തളം പഞ്ചായത്തിലെ പരപ്പ വട്ടിപുന്ന റോഡിലാണ് കണ്ണുകൾക്ക്‌ കൗതുകം പകരുന്ന കാഴ്ച .ആൽമരമാണെന്ന് ആദ്യകാഴ്ചയിൽ ആരും പറയും.

കാഞ്ഞങ്ങാട്ടെ പ്രേമാനന്ദ പൈയുടെ ഉടമസ്ഥതതയിൽ ഉള്ള കെട്ടിടത്തിന് മുകളിൽ ആണ് ആൽമരത്തോട് സാദൃശ്യ മുള്ള മരം വളർന്നു പന്തലിക്കുന്നത്. ഒറ്റ നോട്ടത്തിൽ മരം ഓടുമേഞ്ഞ കെട്ടിടത്തിന് മുകളിൽ നിന്നാണ് മരം വളരുന്നതെന്ന് തോന്നും. അടുത്ത് ചെന്നാൽ കാര്യം മനസിലാകും.

കട തുറക്കാതെ ഏകദേശം 25 വർഷമായി.കടയുടെ തറയിൽ നിന്ന് വളർന്നാണ് ഇപ്പോൾ ഓടുപൊളിച്ച് പുറത്തെത്തിയത്. കട മുറിക്കുള്ളിൽ വളർന്ന മരത്തിനെ ആരും കണ്ടില്ലെന്നതാണ് യാഥാർത്ഥ്യം.

ഓടുമേഞ്ഞ കെട്ടിടത്തിന്റെ ഓട് പൊട്ടിയ വിടവിൽ കൂടിയാണ് മരം വളർന്നത്.. കാറ്റിലും മഴയിലും മരം ഈ പഴയ കെട്ടിടത്തിന് യാതൊരു ഭീഷണിയും സൃഷ്ടിക്കുന്നില്ലെന്നതാണ് മറ്റൊരു സവിശേഷത . ഒരുകാലത്ത്‌ ആഴ്ച ചന്തകൾ നടന്നിരുന്ന മലയോരത്തെ പ്രധാന മാർക്കറ്റുകളിൽ ഒന്നായിരുന്നു ഇവിടം. കാഞ്ഞങ്ങാട് നിന്നും പരപ്പയിൽ എത്തി കച്ചവടം ചെയ്തിരുന്ന കൊങ്ങിണി സമുദായത്തിന്റെ ഉടമസ്ഥതയിൽ ഉള്ളതാണ് ഈ കെട്ടിടം. പഴമയുടെ പ്രതാപ കാലത്തിന്റെ തിരുശേഷിപ്പായി നിൽക്കുന്ന പഴയ കെട്ടിടത്തിന് പ്രകൃതി മനോഹാരിത പകരുകയാണ് ഇപ്പോൾ ഈ മരം'