കണ്ണൂർ: നടക്കില്ലെന്ന് കരുതിയ സ്വപ്നം യാഥാർത്ഥ്യമാക്കി കണ്ണൂർ ഇന്റർനാഷണൽ എയർപോർട്ട് ലിമിറ്റഡ് എം.ഡി വി. തുളസീദാസ് മടങ്ങുന്നു. ശബരിമലയിലെ പുതിയ എയർപോർട്ട് യാഥാർത്ഥ്യമാക്കാനുള്ള ദൗത്യം ഏറ്റെടുത്താണ് അദ്ദേഹം 12ന് കണ്ണൂരിനോട് വിട പറയുന്നത്.

ഇന്ത്യയിലെ മറ്റ് വിമാനത്താവളങ്ങളിൽ നിന്ന് വ്യത്യസ്തമായി ​എ​ല്ലാ​ ​അ​ടി​സ്ഥാ​ന​ ​സൗ​ക​ര്യ​ങ്ങ​ളും​ ​ആ​ധു​നി​ക​ ​സം​വി​ധാ​ന​ങ്ങ​ളും​ ​ഏ​ർ​പ്പെ​ടു​ത്തി​യ​ ​ശേ​ഷ​മാ​ണ് ​തുളസീദാസിന്റെ നേതൃത്വത്തിൽ ക​ണ്ണൂ​ർ​ ​വി​മാ​ന​ത്താ​വ​ളം​ ​ഉ​ദ്ഘാ​ട​നം​ ​ചെയ്തത്. പച്ച പിടിച്ചുവരുന്നതിനിടെ കടന്നുവന്ന കൊവിഡ് മൂലം വരുമാനത്തിൽ വലിയ കുറവ് നേരിട്ടതോടെ പിടിച്ചു നിൽക്കാൻ നന്നെ ബുദ്ധിമുട്ടി. നേരത്തെ കിട്ടിക്കൊണ്ടിരുന്ന വരുമാനത്തിൽ 70 ശതമാനത്തോളം കുറവുവന്നുവെന്നും തുളസീദാസ് പറഞ്ഞു.

വിദേശ വിമാനക്കമ്പനികൾ മനസുവയ്ക്കണം

കാർഗോ കോംപ്ളക്സും ഡ്യൂട്ടി ഫ്രീ ഷോപ്പും അധികം വൈകാതെ തന്നെ പൂർത്തിയാക്കാൻ കഴിഞ്ഞു. രാജ്യത്തെ എല്ലാ വിമാനത്താവളങ്ങളും നേരിടുന്ന പ്രതിസന്ധികൾ തന്നെയാണ് ഇപ്പോൾ കണ്ണൂർ വിമാനത്താവളവും നേരിടുന്നത്. വി​മാ​ന​ത്താ​വ​ളം​ ​ലാ​ഭ​ത്തി​ലാ​ക്കാ​ൻ​ ​വി​ദേ​ശ​ ​വി​മാ​ന​ക്ക​മ്പ​നി​ക​ൾ​ ​സ​ർ​വീസ് ​തു​ട​ങ്ങി​യാ​ൽ​ ​മാ​ത്ര​മേ​ ​ക​ഴി​യൂവെന്ന് തുളസീദാസ് പറയുന്നു.​ ​തു​ട​ങ്ങി​യ​ ​ഉ​ട​നെ​ ​ലാ​ഭം​ ​കി​ട്ടു​മെ​ന്ന​ ​പ്ര​തീ​ക്ഷ​യൊ​ന്നും​ ​വേ​ണ്ട.​ ​കു​റ​ഞ്ഞ​ത് ​അ​ഞ്ചുവ​ർഷം​ ​കൊ​ണ്ട് ​മാ​ത്ര​മെ​ ​ലാ​ഭ​ത്തി​ലെ​ത്താ​ൻ​ ​ക​ഴി​യു​ള്ളൂ.​ ​

ഔ​ദ്യോ​ഗി​ക​ ​ജീ​വി​ത​ത്തി​ന്റെ​ ​ഏ​റി​യ​ ​പ​ങ്കും​ ​കേ​ര​ള​ത്തി​നു ​പു​റ​ത്തും​ ​വി​ദേ​ശ​ത്തു​മാ​യി​രു​ന്നു.​ ​നോ​ർ​ത്ത് ​ഈ​സ്റ്റ്,​ ​മും​ബയ്,​ ​ഡ​ൽ​ഹി,​ ​മൗ​റീ​ഷ്യ​സ് ​തു​ട​ങ്ങി​യ​ ​സ്ഥ​ല​ങ്ങ​ളി​ലാ​യി​രു​ന്നു​ ​കൂ​ടു​ത​ലും.​ ​അ​പ്പോ​ഴൊ​ക്കെ​ ​മ​ന​സിൽ​ ​താ​ലോ​ലി​ച്ച​ത് ​സ്വ​ന്തം​ ​നാ​ടി​ന്റെ​ ​വി​ക​സ​ന​മാ​യി​രു​ന്നു.​ ​വി​ക​സ​ന​ത്തി​ന്റെ​ ​പു​തി​യ​ ​ആ​കാ​ശ​ത്തി​നാ​യു​ള്ള​ ​കാ​ത്തി​രി​പ്പ്.​ ​ആ​ഗ്ര​ഹി​ച്ച​പ്പോ​ഴൊ​ന്നും​ ​കേ​ര​ള​ത്തി​ലേ​ക്ക് ​മ​ട​ങ്ങി​വ​രാ​ൻ​ ​ക​ഴി​ഞ്ഞി​​ല്ല.​ ​എ​ന്നാ​ൽ​ ​ക​ണ്ണൂ​ർ​ ​വി​മാ​ന​​ത്താ​വ​ള​വു​മാ​യി​ ​സ​ഹ​ക​രി​ച്ച് ​പ്ര​വ​ർ​ത്തി​ക്കാ​ൻ​ ​ക​ഴി​ഞ്ഞ​ത് ​വ​ലി​യ​ ​ഭാ​ഗ്യ​മാ​യാ​ണ് ​കാ​ണു​ന്ന​ത്.​ ​സ്വ​ന്തം​ ​നാ​ട്ടി​ൽ​ ​എ​ന്തെ​ങ്കി​ലും​ ​ചെ​യ്യാ​ൻ​ ​ക​ഴി​ഞ്ഞ​തി​ലു​ള്ള​ ​ചാ​രി​താ​ർ​ഥ്യം​ ​പ​റ​ഞ്ഞ​റി​യി​ക്കാ​ൻ​ ​വ​യ്യാ​ത്ത​താ​ണ്.​

​​ക​ണ്ണൂ​ർ​ ​വി​മാ​ന​ത്താ​വ​ള​ത്തി​ന്റെ​ ​നി​ർ​മ്മാ​ണം​ ​ഒ​രു​ ​വെ​ല്ലു​വി​ളി​യാ​യി ഏറ്റെടുത്തതാണ്.​ ​ ​ഏ​റ്റെ​ടു​ക്കു​ന്ന​ ​കാ​ല​ത്ത് ​ത​ന്നെ​​ ​വ​ലി​യ​ ​വി​മാ​ന​ത്താ​വ​ള​മാ​യി​ ​ഉ​യ​ർ​ന്നു​ ​വ​രു​മെ​ന്ന​ ​പ്ര​തീ​ക്ഷ​യു​ണ്ടാ​യി​രു​ന്നു.​ ​ഭൂ​മി​ ​ഏ​റ്റെ​ടു​ക്കു​ന്ന​തു​ ​മു​ത​ൽ​ ​അ​വ​സാ​ന​ഘ​ട്ടം​ ​വ​രെ​ ​വ​ലി​യ​ ​ത​ർ​ക്ക​ങ്ങ​ളും​ ​എ​തി​ർ​ ​ശ​ബ്ദ​ങ്ങ​ളു​മൊ​ന്നു​മി​ല്ലാ​തെ​ ​പൂ​ർ​ത്തി​യാ​ക്കാ​ൻ​ ​ക​ഴി​ഞ്ഞു.​ ഉദ്യോഗസ്ഥരും ​നാ​ട്ടു​കാ​രും​ ​ഒ​റ്റ​ ​മ​ന​സോടെ​ ​ഒ​ന്നി​ച്ചുപ്ര​വ​ർ​ത്തി​ച്ച​താ​ണ് ​ഈ​ ​സ്വ​പ്ന​ ​പ​ദ്ധ​തി​ ​അ​തി​വേ​ഗം​ ​യാ​ഥാ​ർ​ത്ഥ്യമാ​കാ​ൻ​ ​കാ​ര​ണ​മാ​യ​ത്

വി. തുളസീദാസ്