മാഹി: മാഹി സെയിൽ ടാക്സ് ഉദ്യോഗസ്ഥരുടെ വ്യാപാര ദ്രോഹ നടപടിയിൽ പ്രതിഷേധിച്ച് വ്യാപാരി വ്യവസായി ഏകോപന സമിതി 23ന് മാഹിയിൽ വ്യാപാരി ബന്ദ് നടത്തുമെന്ന് ചെയർമാൻ കെ.കെ. അനിൽ കുമാർ വാർത്താ സമ്മേളനത്തിൽ അറിയിച്ചു. മാഹിയിൽ മാതൃകാപരമായി വ്യാപാരം നടത്തുന്ന ഷാം ഇന്റീരിയൽ, ഫാമിലി ഷോപ്പിംഗ് സെന്റർ എന്നിവയുടെ ബാങ്ക് അക്കൗണ്ടുകളും, പാർട്ണർമാരുടെ എൻ.ആർ.ഐ. അക്കൗണ്ടുകൾ ഉൾപ്പടെ ഫ്രീസ് ചെയ്ത നടപടിയിൽ പ്രതിഷേധിച്ചാണ് ബന്ദ് നടന്നുന്നത്. ഏകീകൃത നികുതി നയം കേന്ദ്ര സർക്കാർ കൊണ്ടു വന്നിട്ടും, സെയിൽസ് ടാക്സ് ഡിപ്പാർട്ട്‌മെന്റ് വ്യാപാര സ്ഥാപനങ്ങളിൽ കയറിയിറങ്ങി നിരന്തരം ദ്രോഹിക്കുന്നത് തുടർന്നാൽ ഉദ്യോഗസ്ഥരെ വ്യാപാരി സമൂഹം തടയുമെന്നും അദ്ദേഹം മുന്നറിയിപ്പ് നൽകി. ഷാജി പിണക്കാട്ട്, കെ.കെ. ശ്രീജിത്ത്, ഷാജു കാനത്തിൽ, എം. മുഹമ്മദ് യൂനിസ് എന്നിവർ സംബന്ധിച്ചു.