മട്ടന്നൂർ: കണ്ണൂർ വിമാനത്താവളം വഴി കടത്തുകയായിരുന്ന 45 ലക്ഷം രൂപയുടെ സ്വർണം കസ്റ്റംസ് പിടികൂടി. ഷാർജയിൽ നിന്നും എയർ ഇന്ത്യ എക്സ്പ്രസ് വിമാനത്തിലെത്തിയ ഈസ്റ്റ് കതിരൂർ സ്വദേശി എൻ.കെ മഹറൂഫിൽ നിന്നാണ് 975 ഗ്രാം വരുന്ന സ്വർണം പിടികൂടിയത്. പേസ്റ്റ് രൂപത്തിലാക്കിയ സ്വർണം ശരീരത്തിനുള്ളിൽ ഒളിപ്പിച്ചാണ് കടത്താൻ ശ്രമിച്ചത്. കസ്റ്റംസ് അസി. കമ്മീഷണർ മധുസൂദന ഭട്ട്, സൂപ്രണ്ടുമാരായ എൻ.സി. പ്രശാന്ത്, ജ്യോതിലക്ഷ്മി, ഇൻസ്‌പെക്ടർമാരായ പ്രകാശൻ കൂടപ്പുറം, യുഗൽകുമാർ, മനീഷ് ഖട്ടാന, ജുബർ ഖാൻ, ഗുർമിത്ത് സിങ്ങ്, ഹവിൽദാർ സി.വി.ശശീന്ദ്രൻ എന്നിവരുടെ നേതൃത്വത്തിലാണ് പരിശോധന നടത്തിയത്.