കാസർകോട് :കടുത്ത യാത്രാദുരിതത്തിലും മെമു ട്രെയിൻ സർവ്വീസ് കണ്ണൂരിലിൽ അവസാനിപ്പിച്ചതിനെതിരെ പ്രതിഷേധവുമായി കാസർകോട്. മെമു മംഗളൂരു വരെ നീട്ടണമെന്നാവശ്യപ്പെട്ടുകൊണ്ട് എൽ.ഡി.എഫിൽ നിന്നുള്ള ജനപ്രതിനിധികൾ കാസർകോട് റെയിൽവേ സ്റ്റേഷനു മുന്നിൽ സത്യാഗ്രഹം നടത്തി. ജില്ലയിലെ ഗ്രാമ-ബ്ലോക്ക് ,മുൻസിപ്പൽ, ജില്ല പഞ്ചായത്ത് പ്രതിനിധികൾ സമരത്തിൽ പങ്കെടുത്തു.
മുൻ എം.പി.പി.കരുണാകരനാണ് സമരം ഉദ്ഘാടനം ചെയ്തത്. ജില്ല പഞ്ചായത്ത് പ്രസിഡന്റ് ബേബി ബാലകൃഷ്ണൻ അദ്ധ്യക്ഷത വഹിച്ചു. നീലേശ്വരം നഗരസഭ ചെയർപേഴ്സൺ ടി.വി.ശാന്ത, കാഞ്ഞങ്ങാട് നഗരസഭ ചെയർപേഴ്സൺ കെ .വി. സുജാത, ബ്ലോക്ക് പഞ്ചായത്ത് പ്രസിഡന്റുമാരായ കെ. മണികണ്ഠൻ, എം .ലക്ഷ്മി, സിജി മാത്യു, പാസഞ്ചേഴ്സ് അസോസിയേഷൻ പ്രതിനിധി പ്രശാന്ത് കുമാർ, മുഹമ്മദ് അസ്ലം, സുബ്ബണ്ണ ആൾവ, എസ്.പ്രീത, കുര്യാക്കോസ് , മുഹമ്മദ് ഹനീഫ്, അസിനാർ നുള്ളിപ്പാടി, ടി.എം.എ.കരീം എന്നിവർ സംസാരിച്ചു. ജില്ല പഞ്ചായത്ത് മെമ്പർ സി.ജെ. സജിത്ത് സ്വാഗതവും എം.മനു നന്ദിയും പറഞ്ഞു.