കാസർകോട് : ഇരട്ടവോട്ടുകളെ പറ്റി താൻ നൽകിയ പരാതി അന്വേഷിച്ചു നടപടി സ്വീകരിച്ച മുഖ്യ തിരഞ്ഞെടുപ്പ് ഓഫീസർ ടിക്കാറാം മീണയെ പ്രതിപക്ഷനേതാവ് രമേശ് ചെന്നിത്തല അഭിനന്ദിച്ചു. കോൺഗ്രസോ, കമ്മ്യൂണിസ്റ്റോ എന്ന് നോക്കിയല്ല താൻ പരാതി നൽകിയത്. ആരായാലും നടപടി ഉണ്ടാകണമെന്ന് അദ്ദേഹം പറഞ്ഞു.

കാസർകോട് പ്രസ് ക്ലബിന്റെ പഞ്ചസഭയിൽ പങ്കെടുക്കവേ,​ പെരിയയിലെ കോൺഗ്രസ് പ്രവർത്തക അഞ്ചിടത്തെ വോട്ടർലിസ്റ്റിൽ ഉൾപ്പെട്ട വിവാദത്തോട് പ്രതികരിക്കുകയായിരുന്നു ചെന്നിത്തല.

ഒരു പഞ്ചായത്തിൽ വോട്ട് ചെയ്ത് മഷി മായ്ച്ച ശേഷം അടുത്ത പഞ്ചായത്തിൽ പോയി വോട്ട് ചെയ്യുന്നത് തടയണം എന്നാവശ്യപ്പെട്ടാണ് പരാതി നൽകിയത്. കള്ളവോട്ടിന് ഒത്താശ ചെയ്യുന്ന ഉദ്യോഗസ്ഥർക്കെതിരെ നടപടി എടുക്കണം. കോൺഗ്രസും യു.ഡി.എഫും ഒറ്റക്കെട്ടാണ്. സ്ഥാനാർത്ഥി നിർണ്ണയത്തിൽ കോൺഗ്രസിൽ അഭിപ്രായഭിന്നത ഇല്ല. ജനവികാരം യു.ഡി.എഫിന് അനുകൂലമാണ്. അത് അട്ടിമറിക്കാനാണ് ചില മാദ്ധ്യമങ്ങൾ സർവ്വേയുടെ പേരിൽ ചെപ്പടിവിദ്യ കാണിക്കുന്നത്. 200 കോടിയുടെ പരസ്യം വാങ്ങി സർക്കാരിനെ പുകഴ്‌ത്തുന്ന മാദ്ധ്യമങ്ങളുടെ നടപടി ജനാധിപത്യ വിരുദ്ധവും മര്യാദ ഇല്ലാത്തതുമാണ്. പ്രതിപക്ഷ നേതാവിനെ കരിവാരി തേക്കുന്ന സർവേ കൊണ്ടൊന്നും യു.ഡി.എഫിനെ തകർക്കാനാവില്ലെന്നും ചെന്നിത്തല പറഞ്ഞു. രാജ്‌മോഹൻ ഉണ്ണിത്താൻ എം.പി, ഹക്കിം കുന്നിൽ, അ‌ഡ്വ. സി.കെ. ശ്രീധരൻ, എൻ.എ. നെല്ലിക്കുന്ന്, സി.ടി. അഹമ്മദലി എന്നിവർ പങ്കെടുത്തു.

 വോ​ട്ട​ർ​ ​പ​ട്ടി​ക​യി​ൽ​ ​ക്ര​മ​ക്കേ​ട്: വീ​ണ്ടും​ പ​രാ​തി

​വോ​ട്ട​ർ​പ​ട്ടി​ക​യി​ൽ​ ​പേ​രു​ക​ളി​ര​ട്ടി​പ്പി​ച്ചെ​ന്ന​ ​ആ​രോ​പ​ണ​ത്തി​ന് ​പി​ന്നാ​ലെ​ ​ഒ​രു​ ​വ്യ​ക്തി​യു​ടെ​ ​ഫോ​ട്ടോ​ ​ഉ​പ​യോ​ഗി​ച്ച് ​വേ​റെ​ ​പേ​രും​ ​വി​ലാ​സ​വും​ ​കാ​ണി​ച്ച് ​വ്യാ​ജ​വോ​ട്ട​ർ​ ​തി​രി​ച്ച​റി​യ​ൽ​ ​കാ​ർ​ഡു​ണ്ടാ​ക്കി​യെ​ന്ന​ ​പു​തി​യ​ ​പ​രാ​തി​യു​മാ​യി​ ​പ്ര​തി​പ​ക്ഷ​ ​നേ​താ​വ് ​ര​മേ​ശ് ​ചെ​ന്നി​ത്ത​ല​ ​രം​ഗ​ത്ത്.
കോ​ഴി​ക്കോ​ട് ​നോ​ർ​ത്ത് ​മ​ണ്ഡ​ല​ത്തി​ൽ​ ​ഇ​ത്ത​ര​ത്തി​ലു​ള്ള​ ​ക്ര​മ​ക്കേ​ട് ​ക​ണ്ടെ​ത്തി​യെ​ന്ന​ ​വാ​ർ​ത്ത​ ​ഉ​ദ്ധ​രി​ച്ചാ​ണ് ​മു​ഖ്യ​തി​ര​ഞ്ഞെ​ടു​പ്പ് ​ഓ​ഫീ​സ​ർ​ക്ക് ​പ​രാ​തി​ ​ന​ൽ​കി​യ​ത്.​ ​ഇ​ത്ത​ര​ത്തി​ലു​ള്ള​ ​വ്യാ​ജ​വോ​ട്ട​ർ​മാ​രു​ടെ​ ​കാ​ര്യ​ത്തി​ലും​ ​അ​ടി​യ​ന്ത​ര​ ​ന​ട​പ​ടി​ ​വേ​ണ​മെ​ന്ന് ​അ​ദ്ദേ​ഹം​ ​ആ​വ​ശ്യ​പ്പെ​ട്ടു.