​ഫറോക്ക് ​: ബേപ്പൂർ നിയോജക മണ്ഡലം എൽ.ഡി.എഫ് സ്ഥാനാർത്ഥി അഡ്വ.പി എ മുഹമ്മദ് റിയാസിന്റെ ​തി​രഞ്ഞെടുപ്പ് പ്രചാരണത്തിനായി സി.പി​.എം ജനറൽ സെക്രട്ടറി സീതാറാം യെച്ചൂരി എത്തും. മാർച്ച് 24ന് രാവിലെ 10 മണിക്ക് കടലുണ്ടി പഞ്ചായത്തിലെ മണ്ണൂർ വളവ് സി.എം ഹയർസെക്കൻഡറി സ്‌കൂളിനു സമീപം നടക്കുന്ന പൊതുയോഗം യച്ചൂരി ഉദ്ഘാടനം ചെയ്യും. മൂന്നാംഘട്ട ​പ്രചാരണത്തിന്റെ ഭാഗമായി മണ്ഡലത്തിലെ വിവിധ കേന്ദ്രങ്ങളിൽ നടക്കുന്ന യോഗങ്ങളിൽ പ്രമുഖ നേതാക്കൾ പങ്കെടുക്കും. 23ന് വൈകു: 3 മണിക്ക് വിദ്യാഭ്യാസ മന്ത്രി പ്രൊഫ: സി രവീന്ദ്രനാഥ് ചെറുവണ്ണൂരിലെ കണ്ണാട്ടിക്കുളത്ത് കച്ചേരിപറമ്പ് സ്‌കൂൾ ഗ്രൗണ്ടിലും ഡി​ .വൈ​ .എഫ്‌​ .ഐ സംസ്ഥാന സെക്രട്ടറി എ.എ റഹീം മാത്തോട്ടത്തും പ്രസംഗിക്കും. 26ന് വൈകീട്ട് 6 മണിക്ക് ബേപ്പൂരിൽ നടക്കുന്ന മേഖലാറാലി സി.പി​.എം സംസ്ഥാന കമ്മിറ്റിയംഗം ടി.കെ ഹംസ ഉദ്ഘാടനം ചെയ്യും. 28ന് വൈകീട്ട് നാല് മണിക്ക് നല്ലൂരിൽ നടക്കുന്ന പൊതുയോഗം സി.പി.ഐ സംസ്ഥാന എക്സി.അംഗം സി എൻ.ചന്ദ്രൻ ഉദ്ഘാടനം ചെയ്യും. വൈകീട്ട് 6 മണിക്ക് കോഴിക്കോട് കടപ്പുറത്ത് നടക്കുന്ന എൽ.ഡിഎഫ് റാലി മുഖ്യമന്ത്രി പിണറായി വിജയൻ ഉദ്ഘാടനം ചെയ്യും. 29ന് നല്ലളത്തും മാത്തോട്ടത്തും നടക്കുന്ന എൽ.ഡി.എഫ് പൊതുയോഗം ടി. കെ ഹംസ ഉദ്ഘാടനം ചെയ്യും.