പാലാ: പാലാ നിയോജകമണ്ഡലത്തിൽ മാണി.സി കാപ്പൻ എം.എൽ.എ സംഘടിപ്പിക്കുന്ന ജനസമക്ഷം വികസന സൗഹൃദസദസുകൾക്ക് ഇന്ന് തുടക്കമാകും. കൊഴുവനാൽ പഞ്ചായത്തിലെ റ്റീംസ് ജോസഫ് നെടുംമ്പുറത്തിന്റെ വസതിയിൽ വൈകിട്ട് നാലിനാണ് ആദ്യ സദസ് സംഘടിപ്പിച്ചിരിക്കുന്നത്. സദസിൽ മാണി.സി കാപ്പൻ എം.എൽ.എയും യു.ഡി.എഫ് നേതാക്കളും പങ്കെടുക്കും. കൊഴുവനാൽ പഞ്ചായത്തിലെ 1,2,13 വാർഡുകളിലെ ആളുകൾ പങ്കെടുക്കും. തുടർന്ന് 5ന് മേവിട ആക്കിമാട്ടേൽ ബോബൻ, 6ന് തോടനാൽ പറത്താനത്ത് ജോഷി, 7ന് കൊഴുവനാൽ തെക്കേമുറി ഷാജു എന്നിവരുടെ വസതികളിലും ജനസമക്ഷം വികസന സൗഹൃദസദസുകൾ നടത്തും.

പാലാ നിയോജകമണ്ഡലത്തിൽ വരുന്ന അഞ്ചു വർഷത്തിനുള്ളിൽ നടപ്പാക്കേണ്ട വികസനപദ്ധതികൾക്ക് രൂപരേഖ തയാറാക്കുന്നതിനുവേണ്ടി പൊതുജനാഭിപ്രായം തേടുന്നതിനാണ് പരിപാടി നടത്തുന്നത്. സൗഹൃദ സദസുകളിൽ നിന്നും ലഭിക്കുന്ന നിർദ്ദേശങ്ങൾ ക്രോഡീകരിച്ചു പാലായുടെ സമഗ്ര വികസനത്തിനായുള്ള മാസ്റ്റർപ്ലാൻ തയാറാക്കും.

ഇന്ന് മുതൽ 16 വരെ മണ്ഡലത്തിലെ 100 കേന്ദ്രങ്ങളിലാണ് സദസുകൾ സംഘടിപ്പിക്കുന്നത്.

നാളെ കരൂർ പഞ്ചായത്തിൽ സൗഹൃദ സദസ് സംഘടിപ്പിക്കും. നെച്ചിപ്പുഴൂർ ചക്ര ഓഡിറ്റോറിയം (വൈകിട്ടു 4: 30), കരൂർ ബേബിച്ചൻ കാപ്പിലിന്റെ വസതി (5 മണി), വള്ളിച്ചിറ എൻ.എസ്.എസ് കരയോഗമന്ദിരം (5.30) കരൂർ ജോയി മണ്ണഞ്ചേരിയുടെ വസതി (6ന്), കുടക്കച്ചിറ ബെന്നി നാടുകാണിയുടെ വസതി (6.30) എന്നിവിടങ്ങളിൽ സൗഹൃദസദസുകൾ നടക്കും.