പാലാ : കൊവിഡ് കാലത്തെ രക്തക്ഷാമം പരിഹരിക്കാൻ പാലാ സെന്റ് തോമസ് കോളേജ് എൻ.എസ്.എസ് യൂണിറ്റിന്റെയും, കടപ്ലാമറ്റം ലയൺസ് ക്ലബിന്റെയും, പാലാ ബ്ലഡ് ഫോറത്തിന്റെയും നേതൃത്വത്തിൽ പാലാ സെന്റ് തോമസ് കോളേജിൽ നടത്തിയ സന്നദ്ധ രക്തദാന ക്യാമ്പ് ശ്രദ്ധേയമായി. പ്രിൻസിപ്പൾ ഡോ.ഫാ.ജയിംസ് മംഗലത്ത് ഉദ്ഘാടനം ചെയ്തു. പാലാ ബ്ലഡ് ഫോറം ജനറൽ കൺവീനർ ഷിബു തെക്കേമറ്റം അദ്ധ്യക്ഷത വഹിച്ചു. ലയൺസ് ക്ലബ് റീജണൽ ചെയർമാൻ ടോമി കുറ്റിയാങ്കൽ, ലയൺസ് ക്ലബ് പ്രസിഡന്റ് ജോസഫ് സൈമൺ, സെക്രട്ടറി ജോസഫ് എം.ജെ, സിബി പ്ലാത്തോട്ടം, എൻ.എസ് .എസ് പ്രോഗ്രാം ഓഫീസർമാരായ ഡോ.സിറിയക് ജോസ്, പ്രൊഫ. ജോജി ജേക്കബ്, ബ്ലഡ് ഫോറം ഡയറക്ടർമാരായ ഡോ.പി.ഡി.ജോർജ്, സജി വട്ടക്കാനാൽ, കെ.ആർ. സുരജ്, ഷാജി മാത്യു, ഡോ.അജിത് കെ, സിസ്റ്റർ അനിലിറ്റ്, സിസ്റ്റർ ആലീസ് ഔസേഫ്പറമ്പിൽ, എൻ. എസ്.എസ് വോളണ്ടിയർ ക്യാപ്ടൻമാരായ സഞ്ചു ജയിംസ്, ജുവൽ ജോമി എന്നിവർ പ്രസംഗിച്ചു.
ജനമൈത്രി പൊലീസുമായി ചേർന്ന് ക്യാമ്പുകൾ നടത്താൻ തയാറായിട്ടുള്ള സംഘടനകൾക്കും വ്യക്തികൾക്കും 9447043388 എന്ന നമ്പരിൽ ബന്ധപ്പെടാം.