മരങ്ങാട്ടുപിള്ളി : കൊവിഡ് 19 പ്രതിസന്ധിയിൽ മികച്ച സേവനം നൽകിയ പ്രാഥമിക സഹകരണ സംഘങ്ങൾക്ക് കേരള ബാങ്ക് ജില്ലാ തലത്തിൽ മികച്ച പ്രവർത്തനത്തിന് ഏർപ്പെടുത്തിയ അവാർഡ് മരങ്ങാട്ടുപിള്ളി സർവീസ് സഹകരണ ബാങ്കിന് ലഭിച്ചു. പതിനായിരം രൂപയും പ്രശംസാപത്രവും ഫലകവും കേരളാ ബാങ്ക് പ്രസിഡന്റ് ഗോപി കോട്ടമുറിയിൽ നിന്ന് ബാങ്ക് പ്രസിഡന്റ് എം.എം. തോമസ് മേൽവെട്ടം ഏറ്റുവാങ്ങി.
കാർഷിക കാർഷികാനുബന്ധ മേഖലയിലെ പ്രവർത്തനം, സുഭിക്ഷ കേരളം പദ്ധതിയുടെ നിർവഹണം, ദുരിതാശ്വാസ സഹായങ്ങൾ, കാർഷിക സംരംഭ മേഖലയിലെ വായ്പാ വിതരണം, മുഖ്യമന്ത്രിയുടെ ദുരിതാശ്വാസനിധിയിലേയ്ക്ക് നൽകിയ സംഭാവന, പ്രാഥമിക സംഘങ്ങളുടെ സ്വന്തം ഫണ്ട് ഉപയോഗിച്ചുള്ള ബ്രേക്ക് ദി ചെയിൻ കാമ്പയിനുകൾ തുടങ്ങി വിവിധ സേവനങ്ങളും വിപണിയിൽ പണലഭ്യത ഉറപ്പാക്കാൻ നടത്തിയ സാമ്പത്തിക പ്രവർത്തനങ്ങളും വിലയിരുത്തിയാണ് അവാർഡിന് ബാങ്കിനെ പരിഗണിച്ചത്.