പാലാ: ജനങ്ങളെ വഞ്ചിക്കുന്ന സമീപനത്തോട് യോജിക്കാനാവില്ലെന്ന് ജോസ് കെ. മാണി പറഞ്ഞു.

പാലാ മണ്ഡലത്തിലെ വിവിധ കുടുംബ സമ്മേളനങ്ങൾ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. ഇടതു സർക്കാർ പാലായോട് പ്രത്യേക താൽപ്പര്യം കാണിച്ചു. മുഖ്യമന്ത്രി പിണറായി വിജയൻ പാലയ്ക്കായി പ്രത്യേകം വികസന പദ്ധതികൾ കൊണ്ടു വന്നു. എന്നാൽ ചിലരുടെ പിടിപ്പുകേടും അവഗണനയും കൊണ്ട് അതെല്ലാം ഫയലിൽ ഉറങ്ങി. ഓരോ പദ്ധതിക്കും വേണ്ട തുടർപ്രവർത്തനങ്ങൾ ഏകോപിപ്പിക്കാനോ അതിനായി പ്രവർത്തിക്കാനോ ഉത്തരവാദിത്വപ്പെട്ടവർ താൽപ്പര്യം കാട്ടിയില്ല .
ജനകീയ വിഷയങ്ങൾ സർക്കാരിന്റെ ശ്രദ്ധയിൽ കൊണ്ടു വരികയും അതിന് പരിഹാരം കണ്ടെത്തുകയും ചെയ്യേണ്ടത് ഉത്തരവാദിത്വപ്പെട്ട ജനപ്രതിനിധിയുടെ കടമയാണ്. അത് ചെയ്യാതിരിക്കുന്നത് ജനങ്ങളോടുള്ള വെല്ലുവിളിയാണ്. തിരഞ്ഞെടുപ്പ് വരുമ്പോൾ മാത്രമല്ല വികസനത്തെക്കുറിച്ച് ഓർമ്മിക്കേണ്ടതെന്നും ജോസ് പറഞ്ഞു.

പാലാ നിയോജക മണ്ഡലത്തിൽ ഒരാഴ്ചയ്ക്കുള്ളിൽ ഇരുനൂറിൽപ്പരം കുടുംബ സംഗമങ്ങളിൽ ജോസ് പങ്കെടുത്തു.