കോട്ടയം: നിയമസഭാ തിരഞ്ഞെടുപ്പ് ജോലിക്ക് നിയോഗിക്കപ്പെട്ട ഉദ്യോഗസ്ഥര്‍ക്ക് നിയമന ഉത്തരവുകള്‍ ഇന്ന് നൽകിത്തുടങ്ങും. ബുധനാഴ്ച ആദ്യ ഘട്ട റാന്‍ഡമൈസേഷനിലൂടെ തിരഞ്ഞെടുക്കപ്പെട്ട 13492 പേര്‍ക്കുള്ള നിയമന ഉത്തരവുകള്‍ അതത് വില്ലേജ് ഓഫീസുകളില്‍ എത്തി. ഇന്നു മുതല്‍ ഓരോ ഉദ്യോഗസ്ഥര്‍ക്കും അവരുടെ സ്ഥാപനങ്ങളില്‍ ഉത്തരവ് ലഭ്യമാക്കും. പോളിംഗ് ജോലിക്ക് പരിഗണിക്കപ്പെടുന്ന ജീവനക്കാരുള്ള സ്ഥാപനങ്ങൾ നിയമന ഉത്തരവ് കൈപ്പറ്റുന്നതിനായി അവധി ദിവസങ്ങളായ 13നും 14 നും പ്രവര്‍ത്തിക്കണമെന്ന് ജില്ലാ തിരഞ്ഞെുപ്പ് ഓഫീസറായ ജില്ലാ കളക്ടര്‍ എം. അഞ്ജന അറിയിച്ചു. ഉദ്യോഗസ്ഥര്‍ക്കുള്ള പരിശീലനം 16ന് ആരംഭിക്കും.