കോട്ടയം : പ്രചാരണവും പുസ്തക പ്രകാശനവുമായി കോട്ടയം മണ്ഡലം എൽ.ഡി.എഫ് സ്ഥാനാർത്ഥി കെ.അനിൽകുമാർ. തന്റെ പന്ത്രണ്ടാമത്തെ പുസ്തകമായ 'പുഴകൾക്കിടം തേടി' മന്ത്രി തോമസ് ഐസക് പ്രകാശനം ചെയ്തു. എം.പിയും കേരള കോൺഗ്രസ് നേതാവുമായിരുന്ന സ്‌കറിയാ തോമസിന്റെ മരണനാന്തര ചടങ്ങിൽ പങ്കെടുത്ത ശേഷം പനച്ചിക്കാട് സർവ്വീസ് സഹകരണ ബാങ്ക് ഹാളിൽ നടന്ന സ്ത്രീ ശാക്തീകരണ യോഗത്തിലും സ്ഥാനാർത്ഥി പങ്കെടുത്തു.തുടർന്ന് കോട്ടയം അർബൻ ബാങ്ക് ഹാളിൽ ചേർന്ന കേരള കോ-ഓപ്പറേറ്റീവ് എംപ്ലോയിസ് യൂണിയന്റെ സ്വീകരണവുമേറ്റ് വാങ്ങി.