ചങ്ങനാശേരി : ഗുരുധർമ്മ പ്രചരണസഭ ചങ്ങനാശേരി മണ്ഡലം കമ്മിറ്റിയുടെ ആഭിമുഖ്യത്തിൽ ശിവഗിരി ശാരദ പരിഷിത്തിന്റെ മുന്നോടിയായി നടക്കുന്ന മണ്ഡലം പരിഷത്ത് ഏപ്രിൽ 4 ന് ഉച്ചകഴിഞ്ഞ് തെങ്ങണ എസ്.എൻ.ഡി.പി ഹാളിൽ നടക്കും. ഗുരുധർമ്മ പ്രചരണ സഭ കേന്ദ്ര ഉപദേശക സമിതി ചെയർമാൻ കുറിച്ചി സദൻ ഉദ്ഘാടനം ചെയ്യും. ആർ.സലിംകുമാർ അദ്ധ്യക്ഷത വഹിക്കും. ഡോ.ബീന സുരേഷ് ഗുരുവിന്റെ ക്ഷേത്രസങ്കൽപ്പം എന്ന വിഷയത്തിലും, പ്രകാശിനി ഗണേശൻ ശിവഗിരി തീർത്ഥാടന ലക്ഷ്യങ്ങൾ എന്ന വിഷയത്തിലും ക്ലാസുകൾ നയിക്കും. തുടർന്ന് നടക്കുന്ന സംഘടന സമ്മേളനം സഭ പി.ആർ.ഒ ഇ.എം.സോമനാഥൻ ഉദ്ഘാടനം ചെയ്യും. ജില്ലാ പ്രസിഡന്റ് ബാബു വട്ടോടി അദ്ധ്യക്ഷത വഹിക്കും. സുകുമാരൻ വാകത്താനം, ഷിബു മൂലേടം, ഡോ.പി.എസ്.ശിവദാസ്, എം.എ. ബാലകൃഷ്ണൻ, ജി.രമേശ്, വി.എം.ബാബു എന്നിവർ പ്രഭാഷണം നടത്തും. സഭയുടെ മണ്ഡലത്തിലെ ആദ്യകാല പ്രവർത്തകർ ആയിരുന്ന നാലുകോടി പൊന്നമ്മ രാമകൃഷ്ണൻ, മാടപ്പള്ളി കെ.പൊന്നപ്പൻ എന്നിവരെ ആദരിക്കും.