ചങ്ങനാശേരി : എസ്.എൻ.ഡി.പി യോഗം ചങ്ങനാശേരി യൂണിയന്റെ ആഭിമുഖ്യത്തിൽ എറണാകുളം മുക്തിഭവൻ കൗൺസലിംഗ് സെന്ററിന്റെ സഹകരണത്തോടെ നടത്തുന്ന വിവാഹപൂർവ കൗൺസലിംഗ്‌ കോഴ്‌സിന്റെ 63ാമത് ബാച്ച് ഇന്നും നാളെയും മതുമൂല യൂണിയൻ ഓഫീസ് ഹാളിൽ നടക്കും. രാവിലെ 9 ന് സമ്മേളനം യൂണിയൻ പ്രസിഡന്റ് ഗിരീഷ്‌കോനാട്ട് ഉദ്ഘാടനം ചെയ്യും. യൂണിയൻ സെക്രട്ടറി സുരേഷ് പരമേശ്വരൻ അദ്ധ്യക്ഷത വഹിക്കും. വൈസ് പ്രസിഡന്റ് പി.എം.ചന്ദ്രൻ, മുക്തിഭവൻ അസി. ഡയറക്ടർ രാജേഷ് പൊന്മല, ബോർഡ് മെമ്പർ എൻ.നടേശൻ തുടങ്ങിയവർ പങ്കെടുക്കും. കോ-ഓർഡിനേറ്റർ പി.അജയകുമാർ സ്വാഗതവും, യൂണിയൻ കൗൺസിലർ പി.ബി. രാജീവ് നന്ദിയും പറയും. ഗ്രെയ്‌സ് ലാൽ, രാജേഷ് പൊന്മല, ഡോ.ശരത്ചന്ദ്രൻ, സുരേഷ് പരമേശ്വരൻ, സജീവ് പൂവത്ത് തുടങ്ങിയവർ ക്ലാസുകൾ നയിക്കും. 28 ന് സർട്ടിഫിക്കറ്റ് വിതരണം യൂണിയൻ പ്രസിഡന്റ് ഗിരീഷ് കോനാട്ട് നിർവഹിക്കും. ഫോൺ : 04812420915, 9447780915.