ചങ്ങനാശേരി : എസ്.എൻ.ഡി.പി യോഗം ചങ്ങനാശേരി യൂണിയന്റെ ആഭിമുഖ്യത്തിൽ എറണാകുളം മുക്തിഭവൻ കൗൺസലിംഗ് സെന്ററിന്റെ സഹകരണത്തോടെ നടത്തുന്ന വിവാഹപൂർവ കൗൺസലിംഗ് കോഴ്‌സിന്റെ 63ാമത് ബാച്ചിന് തുടക്കമായി. സമ്മേളനം യൂണിയൻ പ്രസിഡന്റ് ഗിരീഷ്‌ കോനാട്ട് ഉദ്ഘാടനം ചെയ്തു. യൂണിയൻ സെക്രട്ടറി സുരേഷ് പരമേശ്വരൻ അദ്ധ്യക്ഷത വഹിച്ചു. വൈസ് പ്രസിഡന്റ് പി.എം.ചന്ദ്രൻ, മുക്തിഭവൻ അസി. ഡയറക്ടർ രാജേഷ് പൊന്മല, ബോർഡ് മെമ്പർ എൻ.നടേശൻ തുടങ്ങിയവർ പങ്കെടുത്തു. കോഓർഡിനേറ്റർ പി.അജയകുമാർ സ്വാഗതവും, യൂണിയൻ കൗൺസിലർ പി.ബി രാജീവ് നന്ദിയും പറഞ്ഞു. ഇന്ന് വിവിധ വിഷയങ്ങളിൽ ഗ്രെയ്‌സ് ലാൽ, രാജേഷ് പൊന്മല, ഡോ.ശരത്ചന്ദ്രൻ, സുരേഷ് പരമേശ്വരൻ, സജീവ് പൂവത്ത് തുടങ്ങിയവർ ക്ലാസുകൾ നയിക്കും. സർട്ടിഫിക്കറ്റ് വിതരണം യൂണിയൻ പ്രസിഡന്റ് ഗിരീഷ് കോനാട്ട് നിർവഹിക്കും.