കോട്ടയം: ജില്ലയിൽ 139 പേർക്ക് കൂടി കൊവിഡ് സ്ഥിരീകരിച്ചു. 138 പേർക്കും സമ്പർക്കം മുഖേനയാണ് വൈറസ് ബാധിച്ചത്. സംസ്ഥാനത്തിന് പുറത്തുനിന്നെത്തിയ ഒരാൾ രോബാധിതനായി. പുതിയതായി 2357 പരിശോധനാഫലങ്ങളാണ് ലഭിച്ചത്. രോഗം ബാധിച്ചവരിൽ 76 പുരുഷൻമാരും 32 സ്ത്രീകളും 14 കുട്ടികളും ഉൾപ്പെടുന്നു. 60 വയസിനു മുകളിലുള്ള 36 പേർക്ക് കൊവിഡ് സ്ഥിരീകരിച്ചിട്ടുണ്ട്. 122 പേർ രോഗമുക്തരായി. 1495 പേരാണ് നിലവിൽ ചികിത്സയിലുള്ളത്. 7288 പേർ ക്വാറന്റൈനിൽ കഴിയുന്നുണ്ട്.