ഒട്ടാവ: കാർഷക നിയമങ്ങൾക്കെതിരെ ഇന്ത്യയിൽ സമരം നടക്കുന്നതിൽ പ്രതിഷേധിച്ച് ആസ്ട്രേലിയയിലെ സിഡ്നിയിൽ സിക്കുകാർക്ക് നേരെ ആക്രമണം. വെസ്റ്റ്​ സിഡ്​നിയിലെ ഹാരിസ്​ പാർക്കിന്​ സമീപം നടന്ന ആക്രമണത്തിൽ കാർ തകർക്കുകയും ചെയ്​തു

സിക്ക്​ സമൂഹവും കേന്ദ്ര സർക്കാരിനെ അനുകൂലിക്കുന്നവരും തമ്മിൽ കഴിഞ്ഞയിടയ്ക്കുണ്ടായ പ്രശ്​നങ്ങളുടെ അനന്തരഫലമാണ്​ ആക്രമണമെന്നാണ്​ ആസ്ട്രേലിയയിലെ അന്വേഷണ ഏജൻസികൾ കരുതുന്നത്​. ബേസ്​ബാൾ ബാറ്റുപയോഗിച്ച്​ സിക്കുകാർ ഉപയോഗിച്ചിരുന്ന കാർ തകർക്കുന്നതിന്റെ ദൃശ്യങ്ങൾ ആസ്​ട്രേലിയൻ ചാനലായ 7ന്യൂസ്​ പുറത്തു വിട്ടു.

അതേസമയം, കാറിനകത്തുണ്ടായിരുന്നവർക്ക്​ കാര്യമായ പരിക്കേറ്റിട്ടില്ലെന്നാണ്​ റിപ്പോർട്ടുകൾ. പ്രശ്​നം പരിഹരിക്കാനായി ഇരു വിഭാഗങ്ങളുമായി ചർച്ച നടത്തിയതായി ആസ്​ട്രേലിയൻ അധികൃതർ അറിയിച്ചു.