 ഫൈനൽ ജൂൺ 18- 22 ലോഡ്സിൽ

 ന്യൂസിലൻഡ് എതിരാളി

അഹമ്മദാബാദ്: മൊട്ടേരയിലെ നരേന്ദ്ര മോദി സ്റ്രേഡിയത്തിൽ നാലാം ടെസ്റ്റിലും ഇന്ത്യയുടെ സ്പിൻ ജോഡികളായ അശ്വിനും അക്സറിനും മുന്നിൽ ഇംഗ്ളണ്ട് കറങ്ങി വീണു. ഇന്നിംഗ്സിനും 25 റൺസിനും ഇംഗ്ളണ്ടിനെ കീഴടക്കിയ ഇന്ത്യയ്ക്ക് പരമ്പരയും (3-1) ലോക ടെസ്റ്റ് ചാമ്പ്യൻഷിപ്പ് ഫൈനലിലേക്ക് ആധികാരിക പ്രവേശനവും. സ്കോർ ഇംഗ്ലണ്ട്: 205/10,​ 135/10, ഇന്ത്യ 365/10. റിഷഭ് പന്താണ് മാൻ ഒഫ് മാച്ച്. ടെസ്റ്റ് റാങ്കിംഗിൽ ഇന്ത്യ ഒന്നാം സ്ഥാനത്തേക്ക് തിരിച്ചെത്തുകയും ചെയ്തു.

• ഇന്നലെ 160 റൺസിന്റെ ഒന്നാം ഇന്നിംഗ്സ് ലീഡ് വഴങ്ങി രണ്ടാം ഇന്നിംഗ്സിനിറങ്ങിയ ഇംഗ്ലണ്ട് 135 റൺസിന് ആൾ ഔട്ടായി
• അഞ്ച് വിക്കറ്ര് വീതം നേടിയ അശ്വിനും അക്ഷർ പട്ടേലുമാണ് രണ്ട് ദിവസം ബാക്കിനിൽക്കെ ഇന്ത്യയുടെ ജയം ഉറപ്പിച്ചത്
• ഒന്നാം ഇന്നിംഗ്സിൽ ഇന്ത്യ 365 റൺസിന് പുറത്തായി. വാഷിംഗ്ടൺ സുന്ദർ 96 റൺസുമായി പുറത്താകാതെ നിന്നു