കണ്ണൂർ: നടൻ ശ്രീനിവാസൻ രാഷ്ട്രീയത്തിൽ ചാഞ്ചാട്ട നിലപാട് സ്വീകരിക്കുന്നയാളാണെന്ന് സിപിഎം നേതാവ് പി ജയരാജൻ. പഠിക്കുന്ന കാലത്ത് എബിവിപി പ്രവർത്തകനായിരുന്ന ശ്രീനിവാസൻ, കൃത്യമായി രാഷ്‌ട്രീയം മനസിലാക്കുന്ന ആളല്ലെന്നും ജയരാജൻ പരിഹസിച്ചു.

പിൽകാലത്ത് ഇടതുപക്ഷ രാഷ്ട്രീയവുമായി സഹകരിച്ചിട്ടുള്ള ശ്രീനിവാസന്റെ അഭിനയത്തിൽ തനിക്ക് നല്ല അഭിപ്രായമാണെന്നും ജയരാജൻ വ്യക്തമാക്കി.

ട്വന്റി20യേയും അദ്ദേഹം വിമർശിച്ചു. ട്വന്റി20യുടെ വികസിത രൂപമാണ് അംബാനിമാരും അദാനിമാരും. ജനങ്ങളെ പ്രലോഭനങ്ങൾക്ക് വിധേയമാക്കുക എന്നതാണ് അവരുടെ കാഴ്ചപ്പാട്. ജനാധിപത്യം പണാധിപത്യമാകാത്ത ജനപക്ഷ വികസനമാണ് വേണ്ടതെന്നും ജയരാജൻ പറഞ്ഞു.