കോഴിക്കോട്: കുറ്റ്യാടിയിൽ എൽ ഡി എഫിനെതിരെ വിമത സ്ഥാനാർത്ഥിയെ മത്സരിപ്പിക്കാൻ നീക്കം. സി പി എം ഏരിയാ കമ്മിറ്റി അംഗത്തെ വിമത സ്ഥാനാർത്ഥിയാക്കാനാണ് നീക്കം നടക്കുന്നത്. കുറ്റ്യാടി കേരള കോൺഗ്രസിന് വിട്ടുനൽകിയതിനെതിരെ ഇന്ന് വൈകുന്നേരം ടൗണിൽ പ്രതിഷേധ മാർച്ച് സംഘടിപ്പിച്ചിട്ടുണ്ട്. ഇതിന് ശേഷം വിമത സ്ഥാനാർത്ഥിയെ പ്രഖ്യാപിച്ചേക്കുമെന്നാണ് വിവരം.
കുറ്റ്യാടിയിൽ സി പി എം തന്നെ മത്സരിക്കണമെന്നും ജനകീയനായ കെ പി കുഞ്ഞഹമ്മദ് കുട്ടിയെ സ്ഥാനാർത്ഥിയാക്കണമെന്നുമാണ് പ്രവർത്തകരുടെ ആവശ്യം. ഇക്കാര്യം ഉന്നയിച്ച് പാർട്ടി പ്രവർത്തകർ കഴിഞ്ഞ ദിവസം കുറ്റ്യാടിയിൽ പ്രതിഷേധ പ്രകടനം നടത്തിയിരുന്നു.
പ്രതിഷേധമാർച്ചിൽ പങ്കെടുത്തത് സി പി എം പ്രവർത്തകരാണെന്ന് സി പി എം കോഴിക്കോട് ജില്ലാ സെക്രട്ടറി പി മോഹനനും എളമരം കരീം എം പിയും സമ്മതിച്ചിരുന്നു. ഘടകകക്ഷിക്ക് സീറ്റ് നൽകിയതിലുളള പ്രതിഷേധമാണെന്നും, പ്രവർത്തകരെ കാര്യം പറഞ്ഞു മനസിലാക്കാനാകുമെന്ന പ്രതീക്ഷയുണ്ടെന്നും ഇരുവരും പറഞ്ഞു.