കോഴിക്കോട്: 1991ലെ ബേപ്പൂർ മോഡൽ വിജയം ആവർത്തിക്കുമെന്ന് ബേപ്പൂരിലെ സി.പി.എം സ്ഥാനാർത്ഥിയും ഡി.വെെ.എഫ്.ഐ അഖിലേന്ത്യാ അദ്ധ്യക്ഷനുമായ പി.എ. മുഹമ്മദ് റിയാസ്. ബേപ്പൂരിലെ കോലീബി സഖ്യത്തെ അതിശക്തമായി നേരിടും. കോഴിക്കോട് ജില്ലയിലെ 13 മണ്ഡലങ്ങളിലും മികച്ച വിജയം നേടി എൽ.ഡി.എഫ് അധികാരത്തിൽ വരുമെന്നും മുഹമ്മദ് റിയാസ് പറഞ്ഞു.

സി.പി.എമ്മിന്റെ സിറ്റിംഗ് സീറ്റായ ബേപ്പൂരിൽ നിലവിലെ എം.എൽ.എയായ വി.കെ.സി. മമ്മദ് കോയക്ക് പകരമായിട്ടാണ് മുഹമ്മദ് റിയാസിനെ സി.പി.എം ഇറക്കുന്നത്. യു.ഡി.എഫിൽ ഇതുവരെ കോൺഗ്രസ് മത്സരിച്ചു വന്നിരുന്ന ബേപ്പൂർ സീറ്റ് ഇക്കുറി മുസ്ലീം ലീഗിന് വിട്ടുകൊടുത്തിരിക്കുകയാണ്. ബി.ജെ.പിക്കും നിർണായക സ്വാധീനമുള്ള മണ്ഡലമാണിത്.