ന്യൂഡൽഹി: പ്രധാനമന്ത്രി നരേന്ദ്ര മോദിയുടെ അമ്മ ഹീരാബെൻ മോദി കൊവിഡ് വാക്സിൻ സ്വീകരിച്ചു. ആദ്യ ഡോസ് സ്വീകരിച്ചതായി പ്രധാനമന്ത്രി ട്വിറ്ററിലൂടെയാണ് വ്യക്തമാക്കിയത്. വാക്സിൻ എടുക്കാൻ യോഗ്യരായ നിങ്ങളുടെ ചുറ്റുമുള്ള ആളുകളെ സഹായിക്കാനും പ്രചോദിപ്പിക്കാനും മോദി അഭ്യർത്ഥിച്ചു.
എന്റെ അമ്മ ആദ്യഡോസ് വാക്സിൻ ഇന്ന് സ്വീകരിച്ച വിവരം ഞാൻ സന്തോഷപൂർവ്വം പങ്കുവെയ്ക്കുന്നു. വാക്സിൻ എടുക്കാൻ യോഗ്യരായ നിങ്ങളുടെ ചുറ്റുമുള്ള ആളുകളെ സഹായിക്കാനും പ്രചോദിപ്പിക്കാനും ഞാൻ എല്ലാവരോടും അഭ്യർത്ഥിക്കുന്നതായും പ്രധാനമന്ത്രി ട്വിറ്ററിൽ കുറിച്ചു.
Happy to share that my mother has taken the first dose of the COVID-19 vaccine today. I urge everyone to help and motivate people around you who are eligible to take the vaccine.
— Narendra Modi (@narendramodi) March 11, 2021
മാർച്ച് ഒന്നിന് പ്രധാനമന്ത്രി നരേന്ദ്ര മോദി കൊവിഡ് വാക്സിൻ സ്വീകരിച്ചിരുന്നു. ഡൽഹി എയിംസിൽ നിന്നായിരുന്നു അദ്ദേഹം ആദ്യ ഡോസ് സ്വീകരിച്ചത്. അർഹരായ എല്ലാവരും വാക്സിൻ സ്വീകരിക്കണമെന്ന് വാക്സിനെടുത്തതിന് പിന്നാലെ അന്നും അദ്ദേഹം ആവശ്യപ്പെട്ടിരുന്നു.
Took my first dose of the COVID-19 vaccine at AIIMS.
— Narendra Modi (@narendramodi) March 1, 2021
Remarkable how our doctors and scientists have worked in quick time to strengthen the global fight against COVID-19.
I appeal to all those who are eligible to take the vaccine. Together, let us make India COVID-19 free! pic.twitter.com/5z5cvAoMrv