റിയാദ്: സൗദി കിരീടാവകാശി മുഹമ്മദ് ബിൻ സൽമാനുമായി ഫോൺ സംഭാഷണം നടത്തി പ്രധാനമന്ത്രി നരേന്ദ്ര മോദി. ഇരു രാജ്യങ്ങളും തമ്മിലുള്ള ഉഭയകക്ഷി ബന്ധത്തിന്റെ പ്രവർത്തനങ്ങളെക്കുറിച്ചും പങ്കാളിത്തത്തിലൂടെ ഇരു രാജ്യങ്ങൾക്കുണ്ടാകുന്ന വളർച്ചയെക്കുറിച്ചും ഇരുവരും സംസാരിച്ചു. സൽമാൻ രാജകുമാരനെ മോദി ഇന്ത്യയിലേക്ക് ക്ഷണിക്കുകയും ചെയ്തു. കൊവിഡിനെതിരെയുള്ള പോരാട്ടത്തിൽ പങ്കുചേരാൻ ഇരു നേതാക്കളും പരസ്പര ധാരണയിലെത്തി.

സൗദിയും ഇന്ത്യയും തമ്മിലുള്ള വ്യാപാരവും നിക്ഷേപം കൂടുതൽ ശക്തിപ്പെടുത്താനുള്ള ആഗ്രഹം പ്രധാനമന്ത്രി പ്രകടിപ്പിച്ചു. ഇന്ത്യൻ സമ്പദ്‌വ്യവസ്ഥ സൗദി നിക്ഷേപകർക്ക് നൽകുന്ന അവസരങ്ങളെകുറിച്ചും മോദി സംസാരിച്ചു. ഇന്ത്യയും സൗദിയും തമ്മിലുള്ള പ്രത്യേക സൗഹൃദം പ്രവാസികൾക്ക് ഏറെ ഗുണം ചെയ്യും എന്നാണ് പ്രതീക്ഷ.