യംങ്കൂൺ​: മ്യാൻമറിൽ സൈനിക അട്ടിമറിയ്ക്കെതിരെ പ്രതിഷേധിക്കുന്നവർക്ക് നേരെ പട്ടാളം നടത്തിയ വെടിവയ്പ്പിൽ 10 പേർ മരിച്ചു. ഇതോടെ ആകെ മരണം 73 ആയെന്നാണ് റിപ്പോർട്ടുകൾ.സ​മാ​ധാ​ന​മായി പ്ര​ക​ട​നം ന​ട​ത്തു​ന്ന​വ​ർ​ക്കെ​തി​രെ സൈ​ന്യം ആയുധമെടുക്കുന്നുവെന്ന് ആം​ന​സ്​​റ്റി ഇ​ന്റർനാ​ഷണ​ൽ ആ​രോ​പി​ച്ചു. സൈന്യത്തിന്റെ നടപടികളെ അം​ഗ യു.​എ​ൻ സു​ര​ക്ഷ സ​മി​തിയും ശ​ക്ത​മാ​യി അ​പ​ല​പി​ച്ചു. മ്യാ​ന്മ​റി​ലെ ഒ​ട്ടു​മി​ക്ക ന​ഗ​ര​ങ്ങ​ളി​ലും വ്യാ​പ​ക പ്ര​ക്ഷോ​ഭ​ങ്ങ​ളാ​ണ്​ അ​ര​ങ്ങേ​റുന്നത്. ഇ​തി​നെ അ​ടി​ച്ച​മ​ർ​ത്താ​ൻ സൈന്യം രംഗത്തുണ്ട്. സ്റ്റേറ്റ് കൗൺസിലർ ആങ് സാൻ സൂ ചി അടക്കം 1700ലധികം പേരെ ഇതുവരെ പൊലീസ് അറസ്റ്റ് ചെയ്തു. അതേസമയം, സൂ ചി ആ​റു​ ല​ക്ഷം ഡോ​ള​റിന്റെ അ​ന​ധി​കൃ​ത സ്വ​ത്തു​ക്ക​ൾ കൈ​പ്പ​റ്റി​യി​ട്ടു​ണ്ടെ​ന്ന്​ സൈ​നി​ക വ​ക്താ​വ്​ ബ്രി​ഗേ​ഡി​യ​ർ ജ​ന​റ​ൽ സാ​വ് മി​ൻ തു​ൻ വ്യാ​ഴാ​ഴ്ച വാ​ർ​ത്ത​സ​മ്മേ​ള​ന​ത്തി​ൽ അ​റി​യി​ച്ചു. പ്ര​സി​ഡ​ന്റ് വി​ൻ മൈ​ന്റും നി​ര​വ​ധി കാ​ബി​ന​റ്റ് മ​ന്ത്രി​മാ​രും അ​ഴി​മ​തി​യി​ൽ ഏ​ർ​പ്പെ​ട്ടി​ട്ടു​ണ്ടെ​ന്നും അ​വ​ർ രാ​ജ്യ​ത്തെ തി​ര​ഞ്ഞെ​ടു​പ്പ് ക​മ്മിഷ​നെ സ​മ്മ​ർ​ദ​ത്തി​ലാ​ക്കി​യെന്നും അദ്ദേഹം പറഞ്ഞു. പു​തി​യ ആ​രോ​പ​ണ​ങ്ങ​ൾ മൂലം സൂ ചിയുടെ തടവ് നീണ്ടേക്കാം.