മലപ്പുറം: നിയമസഭാ തിരഞ്ഞെടുപ്പിലേക്കുളള സ്ഥാനാർത്ഥി പട്ടിക മുസ്ലീം ലീഗ് പ്രഖ്യാപിച്ചു. 27 സീറ്റുകളിലാകും ലീഗ് മത്സരിക്കുക. ഇത്തവണ കെ.പി.എ. മജീദ്, പി.കെ. കുഞ്ഞാലിക്കുട്ടി, എം.കെ. മുനീർ എന്നിവരൊഴികെ മൂന്ന് ടേമിലധികം മത്സരിച്ചവരെ സ്ഥാനാർത്ഥി പട്ടികയിൽ നിന്നും ഒഴിവാക്കിയിട്ടുണ്ട്. പുനലൂരോ ചടയമംഗലമോ ഏറ്റെടുക്കേണ്ടതെന്ന് തീരുമാനിച്ചിട്ടില്ലെന്നും, തീരുമാനമായാൽ അവിടുത്തെ സ്ഥാനാർത്ഥിയെയും, പേരാമ്പ്രയിലെ സ്ഥാനാർത്ഥിയെയും പിന്നീട് പ്രഖ്യാപിക്കുമെന്നും ലീഗ് സംസ്ഥാന അദ്ധ്യക്ഷൻ പാണക്കാട് ഹെെദരലി ശിഹാബ് തങ്ങൾ അറിയിച്ചു.

അതേസമയം 25 വർഷത്തിനു ശേഷം ലീഗ് സ്ഥാനാർത്ഥിപട്ടികയിൽ ഒരു വനിത ഇടം പിടിച്ചു എന്നതാണ് ഏറ്റവും വലിയ പ്രത്യേകത. കോഴിക്കോട് സൗത്തിലേക്ക് അഡ്വ. നൂർബിനാ റഷീദാണ് മത്സരിക്കുന്നത്. മലപ്പുറം ലോക്സഭാ മണ്ഡലത്തിൽ അബ്ദുസമദ് സമദാനിയും രാജ്യസഭാ സീറ്റിലേക്ക് പി.വി. അബ്ദുൽ വഹാബും മത്സരിക്കും. കളമശേരിയിൽ വി.കെ.ഇബ്രാഹിംകുഞ്ഞിന്റെ മകൻ വി.ഇ. അബ്ദുൽ ഗഫൂറാണ് മത്സരിക്കുന്നത്.

സ്ഥാനാർഥികൾ ഇവർ:

1. മഞ്ചേശ്വരം : എ.കെ.എം. അഷ്റഫ്
2. കാസർകോട് : എൻ.എ. നെല്ലിക്കുന്ന്
3. അഴീക്കോട് : കെ.എം. ഷാജി
4. കൂത്തുപറമ്പ് : പൊട്ടൻകണ്ടി അബ്ദുല്ല
5. കുറ്റ്യാടി : പാറക്കൽ അബ്ദുല്ല
6. കോഴിക്കോട് സൗത്ത് : നൂർബീന റഷീദ്
7. കുന്ദമംഗലം : ദിനേഷ് പെരുമണ്ണ (യു.ഡി.എഫ് സ്വതന്ത്രർ)
8. തിരുവമ്പാടി : സി.പി. ചെറിയ മുഹമ്മദ്
9. മലപ്പുറം : പി. ഉബൈദുല്ല
10. വള്ളിക്കുന്ന് : പി. അബ്ദുല്‍ ഹമീദ് മാസ്റ്റർ
11. കൊണ്ടോട്ടി : ടി.വി. ഇബ്രാഹിം
12. ഏറനാട് : പി.കെ. ബഷീർ
13. മഞ്ചേരി : യു.എ. ലത്തീഫ്
14. പെരിന്തൽമണ്ണ : നജീബ് കാന്തപുരം
15. താനൂർ : പി.കെ. ഫിറോസ്
16. കോട്ടയ്ക്കൽ : കെ.കെ. ആബിദ് ഹുസൈൻ തങ്ങൾ
17. മങ്കട : മഞ്ഞളാംകുഴി അലി
18. വേങ്ങര : പി.കെ. കുഞ്ഞാലിക്കുട്ടി
19. തിരൂർ : കുറുക്കോളി മൊയ്തീൻ
20. ഗുരുവായൂർ : കെ.എൻ.എ. ഖാദർ
21. തിരൂരങ്ങാടി : കെ.പി.എ. മജീദ്
22. മണ്ണാർക്കാട് : എൻ. ഷംസുദ്ദീൻ
23. കളമശ്ശേരി : വി.ഇ. ഗഫൂർ
24. കൊടുവള്ളി : എം.കെ. മുനീർ
25. കോങ്ങാട് : യു.സി. രാമന്‍

പുനലൂർ, ചടയമംഗലം എന്നീ മണ്ഡലങ്ങളിൽ ഏതുവേണമെന്ന് പിന്നീട് തീരുമാനമായ ശേഷവും പേരാമ്പ്രയിലും സ്ഥാനാർത്ഥികളെ പിന്നീട് പ്രഖ്യാപിക്കും.