മുംബയ്: മഹാരാഷ്ട്രയില്‍ കൊവിഡ് രോഗത്തിന്റെ രണ്ടാം വ്യാപനം രൂക്ഷമായി തന്നെ തുടരുന്നു. ഇന്ന് മാത്രം 15,000ത്തിന് മുകളിലാണ് സംസ്ഥാനത്ത് രോഗം സ്ഥിരീകരിച്ചവരുടെ എണ്ണം. രോഗമുക്തി നേടിയതാകട്ടെ, രോഗികളുടെ എണ്ണത്തിന്റെ പകുതിയിലും താഴെ പേർ മാത്രം.

കഴിഞ്ഞ 24 മണിക്കൂറിനിടെ 15,602 പേര്‍ക്കാണ് പുതിയതായി രോഗം സ്ഥിരീകരിച്ചത്. 88 പേര്‍ മരിച്ചു. 7,467 പേരാണ് 24 മണിക്കൂറിനിടെ രോഗ മുക്തരായത്. ഇതോടെ സംസ്ഥാനത്തെ ആകെ കേസുകളുടെ എണ്ണം 22,97,793 ആയി. 21,25,211 പേര്‍ക്കാണ് ആകെ രോഗമുക്തി. മരണം ഇതുവരെ 52,811. ആക്ടീവ് കേസുകള്‍ 1,18,525.