മീ​ൻ​ചാ​പ്പ​ക​ളും​ ​ഓ​ല​പ്പു​ര​ക​ളും​ ​കെ​ട്ടി​മേ​യു​ന്ന​ ​പ​ണി​ക്കാ​ര​നാ​യി​രു​ന്നു​ ​അ​ച്ഛ​ൻ.​ ​അ​ച്‌​ഛ​ൻ​ ​മേ​ഞ്ഞ​ ​പു​ര​ക​ളും​ ​ചാ​പ്പ​ക​ളും​ ​ചോ​ർ​ച്ച​യോ​ ​ഇ​ള​ക്ക​മോ​ ​ഇ​ല്ലാ​തെ​ ​വ​ർ​ഷം​ ​മു​ഴു​വ​ൻ​ ​ക​രു​ത്തോ​ടെ​ ​നി​ൽ​ക്കു​മെ​ന്ന് ​പ​ല​രും​ ​പ​റ​യു​ന്ന​ത് ​ഞാ​ൻ​ ​കേ​ട്ടി​ട്ടു​ണ്ട്.​ ​അ​ക്കാ​ല​ത്ത് ​ക​ട​പ്പു​റ​ത്തെ​ ​വീ​ടു​ക​ൾ​ ​ഭൂ​രി​ഭാ​ഗ​വും​ ​ഓ​ല​പ്പു​ര​ക​ളാ​യി​രു​ന്നു.​ ​വ​ർ​ഷ​മെ​ത്തും​ ​വ​രെ​ ​അ​ച്‌​ഛ​ന് ​പ​ണി​യൊ​ഴി​ഞ്ഞ​ ​നേ​ര​മേ​യി​ല്ലാ​യി​രു​ന്നു.​ ​വൈ​കു​ന്നേ​രം​ ​സ്‌​ക്കൂ​ൾ​ ​വി​ട്ടു​ ​വ​രു​മ്പോ​ൾ​ ​മേ​ലാ​സ​ക​ലം​ ​ക​രി​പു​ര​ണ്ട്,​ ​പു​ര​പ്പു​റ​ത്തി​രി​ക്കു​ന്ന​ ​അ​ച്‌​ഛ​നെ​ ​പ​ല​പ്പോ​ഴും​ ​ഞാ​ൻ​ ​ക​ണ്ടി​ട്ടു​ണ്ട്.​ ​ഏ​ക​ല​വ്യ​നെ​ ​പോ​ലി​രി​ക്കും​ ​അ​ച്‌​ഛ​ന​പ്പോ​ൾ.​ ​തീ​യി​ൽ​ ​വാ​ട്ടി​യ​ ​ഓ​ല​കൊ​ടി​ക​ൾ​ ​അ​ഗ്രം​ ​കൂ​ർ​പ്പി​ച്ച് ​അ​സ്ത്രം​ ​പോ​ലെ​യാ​ക്കി​ ​അ​തെ​ല്ലാം​ ​ചേ​ർ​ത്തു​ ​കെ​ട്ടി​ ​ആ​വ​നാ​ഴി​പോ​ലെ​ ​തോ​ളി​ൽ​ ​തൂ​ക്കി​യി​ട്ടു​ള്ള​ ​നി​ൽ​പ്പ് ​കാ​ണു​മ്പോ​ൾ​ ​ഏ​ക​ല​വ്യ​ന​ല്ലാ​തെ​ ​മ​റ്റൊ​രു​ ​വി​ല്ലാ​ളി​യും​ ​എ​ന്റെ​ ​ഉ​ള്ളി​ൽ​ ​തെ​ളി​യാ​റി​ല്ലാ​യി​രു​ന്നു.​ ​ആ​ ​ഓ​ല​ക്കൊ​ടി​ക​ൾ​ ​കൊ​ണ്ടാ​യി​രു​ന്നു​ ​മെ​ട​ഞ്ഞ​ ​ഓ​ല​ക​ളെ​ ​വാ​രി​ക​ളു​മാ​യി​ചേ​ർ​ത്തു​ ​കെ​ട്ടി​യി​രു​ന്ന​ത്.​ ​വ​ർ​ഷം​ ​വീ​ണു​ ​തു​ട​ങ്ങി​യാ​ൽ​ ​ആ​വ​നാ​ഴി​യി​ലെ​ ​അ​മ്പു​ക​ളൊ​ഴി​ഞ്ഞ്,​ ​പെ​രു​വി​ര​ൽ​ ​ന​ഷ്‌​ട​മാ​യ​ ​ഏ​ക​ല​വ്യ​ന്റെ​ ​ഖേ​ദ​ത്തോ​ടെ​ ​അ​ച്‌​ഛ​ൻ​ ​മാ​ന​ത്തേ​ക്ക്‌​ നോ​ക്കി​യി​രി​ക്കു​ന്ന​തും​ ​ഞാ​ൻ​ ​ക​ണ്ടി​ട്ടു​ണ്ട്.​ ​അ​ന്നേ​രം​ ​അ​ച്‌​ഛ​ൻ​ ​കെ​ട്ടി​മേ​ഞ്ഞ​ ​പു​ര​പ്പു​റ​ങ്ങ​ളെ​ ​തു​ള​ ​വീ​ഴ്‌​ത്താ​ൻ​ ​മ​ഴ​ ​വി​ഫ​ല​മാ​യി​ ​ശ്ര​മി​ക്കു​ക​യാ​വും.​ ​അ​ച്‌​ഛ​ൻ​ ​കെ​ട്ടി​യ​ ​പു​ര​ക​ളെ​ ​വി​ശ്വ​സി​ച്ചു​റ​ങ്ങു​ന്ന​വ​ർ​ക്ക് ​കാ​റ്റി​നേ​യും​ ​മ​ഴ​യേ​യും​ ​ഭ​യ​ക്കേ​ണ്ട​തി​ല്ല.​ ​ഏ​ക​ല​വ്യ​ന്റെ​ ​ഓ​രോ​ ​അ​സ്ത്ര​ത്തേ​യും​ ​അ​വ​ര​ത്ര​മേ​ൽ​ ​വി​ശ്വ​സി​ച്ചി​രു​ന്നു.

താ​ൻ​ ​കെ​ട്ടി​മേ​ഞ്ഞ​ ​ഓ​ല​പ്പു​ര​ക​ളു​ടേ​യും​ ​മീ​ൻ​ചാ​പ്പ​ക​ളു​ടേ​യും​ ​പേ​രി​ൽ​ ​ഭാ​വി​യി​ൽ​ ​ത​ന്നെ​യി​വി​ടെ​ ​ആ​രും​ ​ഓ​ർ​ത്തി​രി​ക്കാ​ൻ​പോ​കു​ന്നി​ല്ലെ​ന്ന​ ​ബോ​ദ്ധ്യം​ ​അ​ച്‌​ഛ​നു​ണ്ടാ​യി​രു​ന്നു.​ ​പു​ര​ ​പൊ​ളി​ച്ച് ​പു​തു​ക്കി​ ​കെ​ട്ടി​യാ​ൽ​ ​ബാ​ക്കി​യാ​വു​ന്ന​ ​ക​രി​യോ​ല​ക​ൾ​ ​കൂ​ട്ടി​യി​ട്ട് ​ക​ത്തി​ക്കാ​റാ​ണ് ​പ​തി​വ്.​ ​അ​തു​പോ​ലെ​ ​ത​ന്നെ​യാ​ണ് ​ഓ​രോ​ ​ശ​രീ​ര​വു​മെ​ന്ന് ​അ​ച്‌​ഛ​ൻ​ ​പ​റ​യാ​റു​ണ്ടാ​യി​രു​ന്നു.​ ​തൂ​മ്പി​ൽ​ ​നി​ന്ന് ​കു​രു​ത്തോ​ല​യാ​യും​ ​പി​ന്നെ​ ​പ​ച്ചോ​ല​യാ​യും​ ​പ​ഴു​ത്തോ​ല​യാ​യും​ ​അ​തി​നു​ ​ശേ​ഷം​ ​മെ​ട​ഞ്ഞ് ​ചീ​ന്തോ​ല​യും​ ​കി​ടോ​ല​യു​മൊ​ക്കെ​യാ​യി​ ​രൂ​പ​പ​രി​ണാ​മം​ ​സം​ഭ​വി​ച്ച് ​അ​വ​സാ​നം,​ ​ക​രി​യോ​ല​യാ​യി​ ​തീ​യി​ലെ​രി​യു​ന്നു​ ​ഓ​രോ​ ​ഓ​ല​ക്കൊ​ടി​ക​ളും.​ ​പെ​രു​വ​ഴി​യി​ലെ​ ​കാ​ച്ചെ​ടി1​യാ​ക​രു​തെ​ന്ന് ​അ​ച്ഛ​ൻ​ ​കൂ​ടെ​ ​കൂ​ടെ​ ​എ​ന്നെ​ ​ഓ​ർ​മ്മി​പ്പി​ക്കും.​ ​അ​തെ​ന്തി​നാ​ണെ​ന്ന് ​അ​ന്നൊ​ന്നും​ ​എ​നി​ക്ക് ​മ​ന​സി​ലാ​യി​രു​ന്നി​ല്ല.​ ​പെ​രു​വ​ഴി​യി​ലെ​ ​ കാ​ച്ചെ​ടി​ക​ൾ​ ​ആ​രു​ടേ​തൊ​ക്കെ​യാ​ണെ​ന്ന് ​ആ​ർ​ക്കും​ ​തി​രി​ച്ച​റി​യാ​നാ​വി​ല്ല.​ ​പു​തി​യ​ ​വ​ഴി​ക​ളി​ലൂ​ടെ​ ​ന​ട​ക്കു​ന്ന​വ​ൻ​ ​വ​ഴി​കാ​ട്ടി​യാ​ണ്.​ ​മാ​യാ​ത്ത​ ​കാ​ൽ​പ്പാ​ടു​ക​ൾ​ ​പ​തി​പ്പി​ച്ച​വ​ൻ.​ ​ഇ​തൊ​ക്കെ​ ​പ​ല​പ്പോ​ഴാ​യി​ ​അ​ച്ഛ​ൻ​ ​പ​റ​ഞ്ഞു​ ​ത​ന്നി​ട്ടു​ള്ള​താ​ണ്.​ ​എ​ന്നി​ട്ടും​ ​അ​ച്ഛ​നെ​ന്തി​ന് ​പെ​രു​വ​ഴി​യി​ൽ​ ​കൂ​ടെ​ ​ത​ന്നെ​ ​ന​ട​ന്നു​ ​എ​ന്ന​ത് ​അ​ന്നൊ​ന്നും​ ​എ​നി​ക്ക് ​മ​ന​സി​ലാ​യ​തേ​യി​ല്ലാ​യി​രു​ന്നു.
അ​ച്ഛ​ൻ​ ​ദ​രി​ദ്ര​നാ​യി​രു​ന്നു.​ ​അ​തു​കൊ​ണ്ട് ​അ​ച്ഛ​ന് ​നാ​ലാം​ ​ക്ലാ​സ് ​വ​രെ​യേ​ ​പ​ഠി​ക്കാ​ൻ​ ​ക​ഴി​ഞ്ഞു​ള്ളൂ.​ ​അ​ച്ഛ​ന്റെ​ ​അ​ച്ഛ​നും​ ​ദ​രി​ദ്ര​നാ​യി​ട്ടാ​യി​രു​ന്നു​ ​ജ​നി​ച്ച​ത്.​ ​അ​ച്ഛ​ച്ഛ​ന് ​തീ​രെ​യും​ ​പ​ഠി​ക്കാ​ൻ​ ​ക​ഴി​ഞ്ഞി​ല്ലാ​യി​രു​ന്നു.​ ​അ​ച്ഛ​ന്റ​ച്ഛ​ന്റ​ച്ഛ​നും​ ​പ​ഠി​ക്കാ​ൻ​ ​ക​ഴി​ഞ്ഞി​ട്ടു​ണ്ടാ​വി​ല്ല.​ ​പ​ഠി​ക്കാ​ൻ​ ​ക​ഴി​യാ​ത്ത​തു​ ​കൊ​ണ്ട് ​ത​ന്നെ​ ​അ​വ​ർ​ക്കാ​ർ​ക്കും​ ​സ്വ​ന്തം​പേ​രെ​ഴു​തി​ ​വയ്‌ക്കാ​ൻ​ ​ക​ഴി​ഞ്ഞി​ല്ല.​ ​മൂ​ന്ന് ​ത​ല​മു​റ​യ്ക്ക​പ്പു​റ​മു​ള്ള​ ​എ​ന്റെ​ ​പൂ​ർ​വ്വി​ക​നാ​രെ​ന്ന് ​എ​നി​ക്ക​റി​യാ​തെ​പോ​യ​തും​ ​അ​തു​കൊ​ണ്ടാ​ണ്.​ ​അ​വ​രെ​ല്ലാം​ ​ഒ​രേ​ ​വ​ഴി​യി​ലൂ​ടെ​ ​ന​ട​ന്നു.​ ​അ​തെ​ല്ലാം​ ​പെ​രു​വ​ഴി​ക​ളാ​യി​രു​ന്നു.​ ​ഒ​ന്നി​നു​ ​മീ​തെ​ ​ഒ​ന്നൊ​ന്നാ​യ് ​കാ​ച്ചെ​ടി​ക​ള​മ​രു​ന്ന​ ​ജീ​വി​ത​പ്പെ​രു​വ​ഴി​ക​ൾ.
അ​ച്ഛ​ൻ​ ​എ​ഴു​തു​ന്ന​ത് ​ക​ണ്ടാ​ൽ​ ​അ​തൊ​രു​ ​നാ​ലാം​ക്ലാ​സു​കാ​ര​ന്റെ​ ​കൈ​യ്യ​ക്ഷ​ര​മാ​ണെ​ന്ന് ​പ​റ​യു​ക​യേ​യി​ല്ല.​ ​നീ​ട്ടി​യും​ ​കു​റു​ക്കി​യും​ ​ഉ​യ​ർ​ന്നും​ ​താ​ണു​മൊ​ക്കെ​ ​തി​ര​മാ​ല​ക​ളാ​യി​രു​ന്നു​ ​അ​ച്ഛ​ന്റെ​ ​എ​ഴു​ത്ത്.​ ​ചി​ല​യി​ട​ത്ത് ​അ​ത് ​എ​വ​റ​സ്റ്റ് ​പ​ർ​വ്വ​തം​പോ​ലെ​ ​ഉ​യ​രും.​ ​ചി​ല​യി​ട​ത്ത് ​അ​ത് ​മ​രി​യാ​ന​ ​ട്ര​ഞ്ച്‌​ പോ​ലെ​ ​അ​ഗാ​ധ​മാ​കും.​ ​മ​റ്റു​ ​ചി​ല​യി​ട​ത്ത് ​ജ​ലോ​പ​രി​ത​ല​ത്തി​ൽ​ ​ചി​ത​റി​ക്കി​ട​ക്കു​ന്ന​ ​ദ്വീ​പു​ക​ളാ​കും.​ ​ആ​ ​ക​ലി​ഗ്രാ​ഫി​യി​ൽ​ ​നി​ന്ന് ​ആ​ന​ക​ളെ​യും​ ​മീ​നു​ക​ളേ​യും​ ​ക​ണ്ടു​പി​ടി​ക്കു​ന്ന​ത് ​എ​നി​ക്കേ​റെ​ ​ഇ​ഷ്ട​മാ​യി​രു​ന്നു.
അ​ച്ഛ​ന് ​കു​റ​ച്ച് ​പു​സ്ത​ക​ങ്ങ​ൾ​ ​സ്വ​ന്ത​മാ​യു​ണ്ടാ​യി​രു​ന്നു.​ ​പ​ണി​ ​നി​ല​ച്ച​ ​വ​ർ​ഷ​ക്കാ​ല​ത്താ​ണ് ​ആ​ ​പു​സ്ത​ക​ങ്ങ​ളു​ണ​രു​ക.​ ​അ​ച്ഛ​നാ​ ​പു​സ്ത​ക​ങ്ങ​ൾ​ ​ എ​ത്ര​യോ​ ​വ​ട്ടം​ ​വാ​യി​ച്ചി​ട്ടു​ണ്ടാ​വ​ണം.​ ​വീ​ണ്ടും​ ​വീ​ണ്ടും​ ​വാ​യി​ക്കാ​ൻ​ ​മാ​ത്രം​ ​അ​തി​ലെ​ന്താ​ണി​ത്ര​ ​ഉ​ള്ള​തെ​ന്ന് ​ഞാ​ന​ന്നൊ​ക്കെ​ ​ആ​ലോ​ചി​ച്ചി​രു​ന്നു.​ ​അ​ച്ഛ​ന്റെ​ മേ​ശ​വ​ലി​പ്പി​ലാ​ണ് ​ആ​ ​പു​സ്ത​ക​ങ്ങ​ൾ​ ​സൂ​ക്ഷി​ച്ചി​രു​ന്ന​ത്.​ ​ആ​ മേ​ശ​വ​ലി​പ്പി​ൽ​ ​പു​സ്ത​ക​ങ്ങ​ൾ​ ​കൂ​ടാ​തെ​ ​ഒ​രു​ ​ത​ക​ര​പ്പെ​ട്ടി​യു​മു​ണ്ടാ​യി​രു​ന്നു.​ ​അ​ച്ഛ​ന്റെ​ ഷേ​വിം​ഗ് ​സെ​റ്റ്,​ ​മു​ഖ​ത്തു​ ​പ​ത​പ്പി​ക്കാ​നു​ള്ള​ ​മ​ണ​മു​ള്ള​സോ​പ്പ്,​ ​ന​ര​ച്ച​രോ​മ​ങ്ങ​ൾ​പോ​ലെ​യു​ള്ള​ ​ഒ​രു​ ​ബ്ര​ഷ്,​ ​ഒ​രു​ ​ചെ​റി​യ​ ​ക​ണ്ണാ​ടി​ ​എ​ന്നി​വ​യാ​യി​രു​ന്നു​ ​ത​ക​ര​പ്പെ​ട്ടി​യി​ലെ​ ​വ​സ്തു​ക്ക​ൾ.​ ​പു​സ്ത​ക​ങ്ങ​ളും​ ​ത​ക​ര​പ്പെ​ട്ടി​യും​ ​മാ​ത്ര​മാ​യി​രു​ന്നു​ ​അ​ച്ഛ​ന്റെ​ ​ഏ​ക​സ​മ്പാ​ദ്യം.​ ​അ​ച്ഛ​ന്റെ​ ​മ​ര​ണ​ശേ​ഷം​ ​ആ​ ​ത​ക​ര​പ്പെ​ട്ടി​ ​ക​പ്പ​ല​ണ്ടി​ ​വി​ൽ​ക്കാ​ൻ​വേ​ണ്ടി​ ​ഞാ​നെ​ടു​ത്തു.​ ​അ​തി​ലെ​ ​വ​സ്തു​ക്ക​ൾ,​ ​ആ​ ​ത​ക​ര​പ്പെ​ട്ടി​ ​ത​ന്നെ​യും​ ​സൂ​ക്ഷി​ച്ചു​ ​വെ​ക്കാ​ൻ​ ​ക​ഴി​യാ​ത്ത​തി​ൽ​ ​എ​നി​ക്ക് ​വ​ല്ലാ​ത്ത​ഖേ​ദ​മു​ണ്ട്.​ ​എ​ത്ര​ ​ത​ന്നെ​ ​ആ​ലോ​ചി​ച്ചി​ട്ടും​ ​മ​ന​സി​ൽ​ ​തെ​ളി​യാ​തെ​ ​മ​റ​ഞ്ഞു​പോ​യ​ ​എ​ന്തൊ​ക്കെ​യോ​ ​മ​നോ​ഹ​ര​ ​ചി​ത്ര​ങ്ങ​ളു​ണ്ടാ​യി​രു​ന്നു​ ​ആ​ ​ത​ക​ര​പ്പെ​ട്ടി​യു​ടെ​ ​പു​റ​ത്ത്.​ ​ആ​കെ​ ​ഓ​ർ​മ്മ​യു​ള്ള​ത് ​അ​തി​ന്റെ​ ​അ​ത്ര​ ​തീ​ക്ഷ്ണ​മ​ല്ലാ​ത്ത​ ​ചു​വ​പ്പ് ​നി​റം​ ​മാ​ത്ര​മാ​ണ്. ഒ​രി​ക്ക​ൽ​ ​ഒ​രോ​ണ​ത്തി​ന് ​ആ​ ​ത​ക​ര​പ്പെ​ട്ടി​ ​നി​റ​യെ​ ​ക​പ്പ​ല​ണ്ടി​യു​മാ​യി​ ​ഞാ​ൻ​ ​ക​ച്ച​വ​ട​ത്തി​നി​റ​ങ്ങി.​ ​കൈ​നീ​ട്ടം​ ​കി​ട്ടി​യ​ ​കാ​ശു​ ​കൊ​ണ്ട് ​

യ​ത്തി​ലു​ള്ള​ ​കു​ട്ടി​ക​ളൊ​ക്കെ​ ​ക​പ്പ​ല​ണ്ടി​ ​വാ​ങ്ങാ​നെ​ന്റെ​ ​ചു​റ്റും​ ​കൂ​ടി.​ ​ഓ​ണ​നാ​ളി​ലും​ ​ക​പ്പ​ല​ണ്ടി​ ​വി​ൽ​ക്കാ​നി​റ​ങ്ങി​യെ​ ​എ​ന്നെ​ ​ക​ണ്ട് ​ആ​ ​കു​ട്ടി​ക​ളു​ടെ​ ​അ​മ്മ​മാ​ർ​ക്ക് ​വ​ലി​യ​ ​സ​ങ്ക​ട​മാ​യി.​ ​അ​വ​രെ​ന്നെ​ ​വി​ഷ​മ​ത്തോ​ടെ​ ​​നോ​ക്കാ​നും​ ​അ​ച്ഛ​നി​ല്ലാ​ത്ത​ ​കു​ട്ടി​യു​ടെ​ ​ദ​യ​നീ​യ​ത​ ​പ​ര​സ്പ​രം​ ​പ​ങ്കു​വയ്​ക്കാ​നും​ ​തു​ട​ങ്ങി.​ ​എ​നി​ക്ക് ​ശ്വാ​സം​ ​മു​ട്ടി​ ​തു​ട​ങ്ങി.​ ​അ​ക്കൂ​ട്ട​ത്തി​ലൊ​ര​മ്മ​ ​ക​പ്പ​ല​ണ്ടി​ ​വാ​ങ്ങാ​തെ​ ​ഒ​രു​ ​പ​ത്തു​ ​രൂ​പാ​നോ​ട്ട് ​എ​ന്റെ​ ​കൈ​യ്യി​ൽ​ ​ബ​ല​മാ​യി​ ​പി​ടി​പ്പി​ച്ചു.​ ​ഞാ​നെ​ത്ര​ വേ​ണ്ടെ​ന്ന് ​പ​റ​ഞ്ഞി​ട്ടും​ ​അ​വ​ർ​ ​സ​മ്മ​തി​ച്ചി​ല്ല.​ ​തി​രി​ച്ച് ​വ​രു​മ്പോ​ൾ​ ​ആ​ ​പ​ത്തു​രൂ​പാ​നോ​ട്ട് ​പ​ത്തു​ല​ക്ഷം​ ​രൂ​പ​യെ​ന്ന​പോ​ലെ​ ​എ​ന്റെ​ ​മ​നസി​നേ​യും​ ​കൈ​പ്പ​ത്തി​യേ​യും​ ​പൊ​ള്ളി​ച്ചു.​ ​ഞാ​ന​ത് ​വാ​ങ്ങി​യ​ത് ​അ​ച്ഛ​നൊ​രി​ക്ക​ലും​ ​ഇ​ഷ്ട​പ്പെ​ടി​ല്ലാ​യി​രു​ന്നു.​ ​ദാ​നം​ ​കി​ട്ടി​യ​ ​കാ​ശു​മാ​യി​ ​അ​ച്ഛ​നി​ല്ലാ​ത്ത​ ​വീ​ട്ടി​ലേ​ക്ക്‌​കേ​റി​ച്ചെ​ല്ലാ​ൻ​ ​എ​ന്റെ​ ​മ​ന​സ​നു​വ​ദി​ച്ചി​ല്ല.​ ​മ​റ്റൊ​രു​ ​വ​ഴി​യു​മി​ല്ലാ​ത്ത​തു​ ​കൊ​ണ്ട് ​ഞാ​നാ​ നോ​ട്ട് ​കി​ളി​ക​ളു​പേ​ക്ഷി​ച്ച​ ​ഒ​രു​ ​കൂ​ട്ടി​ൽ​ ​നി​ക്ഷേ​പി​ച്ചു.​ ​സൂ​ചി​മു​ഖി​യു​ടെ​ ​കൂ​ടാ​യി​രു​ന്നു​ ​അ​ത്.​ ​വ​ഴി​വ​ക്കി​ലേ​ക്ക് ​ചാ​ഞ്ഞു​കി​ട​ന്നി​രു​ന്ന​ ​ഒ​രു​ ​കൊ​മ്പി​ലാ​യി​രു​ന്നു​ ​അ​ത് ​തൂ​ങ്ങി​ക്കി​ട​ന്നി​രു​ന്ന​ത്.​ ​ആ​ നോ​ട്ടി​നെ​ ​മ​ഴ​യും​ ​വെ​യി​ലു​മേ​ൽ​ക്കാ​തെ​ ​ആ​ ​കൂ​ടെ​ത്ര​ ​കാ​ലം​ ​സം​ര​ക്ഷി​ച്ചി​ട്ടു​ണ്ടാ​കും​ ​എ​ന്ന​റി​യി​ല്ല.​ ​പി​ന്നീ​ട് ​ആ​ ​വ​ഴി​ ​ക​ട​ന്നു​പോ​കു​മ്പോ​ഴൊന്നും​ ​ഞാ​നാ​ ​ഭാ​ഗ​ത്തേ​ക്ക്‌​ ​നോ​ക്കി​യി​രു​ന്നി​ല്ല.

അ​ച്‌​ഛ​നു​ണ്ടാ​യി​രു​ന്ന​ ​കാ​ല​ത്തും​ ​ആ​ണ്ട​റു​തി​ക​ൾ​ ​അ​ത്ര​ ​നി​റ​പ്പ​കി​ട്ടു​ള്ള​തൊ​ന്നു​മാ​യി​രു​ന്നി​ല്ല.​ ​ഓ​രോ​ ​ഓ​ണ​വും​ ​വി​ഷു​വും​ ​ക​ട​ന്നു​ ​വ​രു​മ്പോ​ൾ​ ​ഞാ​ൻ​ ​വെ​റു​തേ​ ​ഓ​രോ​ന്ന് ​പ്ര​തീ​ക്ഷി​ക്കും.​ ​പ​ട​ക്കം​ ​പൊ​ട്ടി​ക്ക​ണം.​ ​പൂ​ക്ക​ള​മി​ട​ണം.​ ​പൂ​വ്‌​ തേ​ടി​ ​പൂ​മ്പാ​റ്റ​യെ​പോ​ലെ​ ​പ​റ​ക്ക​ണം.​ ​നെ​ല്ലി​പ്പൂ​വി​റു​ക്കു​മ്പോ​ൾ​ കോ​ടി​യു​ടു​ക്കാ​നു​ള്ള​ ​ ഭാ​ഗ്യം​ ​കൊ​ണ്ടു​വ​രു​ന്ന​ ​വെ​ളു​ത്ത​ ​നെ​ല്ലി​പ്പൂ​വ് ​എ​നി​ക്ക് ​ത​ന്നെ​ ​കി​ട്ട​ണം​ ​എ​ന്നൊ​ക്കെ.​ ​നെ​ല്ലി​പ്പൂ​ക്ക​ളെ​ല്ലാം​ ​നീ​ല​ ​നി​റ​ത്തി​ലാ​ണ്.​ ​അ​പൂ​ർ​വ​മാ​യി​ ​അ​വ​ ​വെ​ളു​ത്ത​ ​നി​റ​ത്തി​ൽ​ ​വി​രി​യും.​ ​അ​ത് ​കി​ട്ടു​ന്ന​വ​ർ​ ​ഭാ​ഗ്യ​വ​ന്മാ​രാ​ണ്.​ ​ഓ​ണ​ക്കോ​ടി​ ​ഉ​റ​പ്പാ​യും​ ​കി​ട്ടും.
ആ​ണ്ട​റു​തി​ക​ൾ​ ​അ​ടു​ത്തെ​ത്താ​റാ​യ​ ​ഏ​തെ​ങ്കി​ലു​മൊ​രു​ ​രാ​ത്രി​യി​ൽ​ ​ചോ​റു​ണ്ണു​മ്പോ​ഴാ​യി​രി​ക്കും​ ​അ​ച്‌​ഛ​ൻ​ ​പ​റ​യു​ക​:​ ​
'​'​ഉ​ള്ള​ണ​ത്തെ​ ​ചാ​ത്തു​മു​ത്ത​പ്പാ​യി​ ​മ​രി​ച്ച്ട്ട് ​ഒ​ര് ​കൊ​ല്ലാ​യ്ട്ട്ല്ല.​ ​ഇ​ക്കൊ​ല്ല​ത്തെ​ ​ഓ​ണം....​""
അ​ത് ​പ​റ​യു​മ്പോ​ൾ​ ​അ​ച്‌​ഛ​ൻ​ ​മു​ഖ​മു​യ​ർ​ത്തു​ക​യേ​യി​ല്ല.
അ​ങ്ങ​നെ​ ​ഏ​തെ​ങ്കി​ലു​മൊ​രു​ ​മു​ത്ത​പ്പാ​യി​ ​ഉ​ള്ള​താ​യി​ ​ഞാ​ൻ​ ​മു​മ്പ് ​കേ​ട്ടി​ട്ടേ​ ​ഉ​ണ്ടാ​വി​ല്ല.​ ​എ​ങ്കി​ലും​ ​അ​ക്കൊ​ല്ല​ത്തെ​ ​ഓ​ണം​ ​ഒ​ട്ടും​ ​നി​റ​പ്പ​കി​ട്ടി​ല്ലാ​തെ​ ​ക​ട​ന്നു​പോ​കു​ന്ന​ത് ​എ​നി​ക്ക് ​ക​ണ്ടു​നി​ൽ​ക്കേ​ണ്ടി​ ​വ​രും.​ ​ചു​റ്റി​നു​മു​ള്ള​ ​വീ​ടു​ക​ളി​ലെ​ ​ആ​ർ​പ്പു​വി​ളി​ക​ളി​ലേ​ക്കും​ ​പൂ​ക്ക​ള​ത്തി​നു​ ​ചു​റ്റു​മു​ള്ള​ ​കൈ​കൊ​ട്ടി​പ്പാ​ട്ടു​ക​ളി​ലേ​ക്കും​ ​ഞാ​ൻ​ ​നി​രു​ന്മേ​ഷ​വാ​നാ​യി​നോ​ക്കി​ ​നി​ൽ​ക്കും.​ ​അ​ടു​ത്ത​ ​കൊ​ല്ലം​ ​ന​മു​ക്കു​ഷാ​റാ​ക്കാം​ ​എ​ന്ന് ​പ​റ​ഞ്ഞ് ​അ​ച്‌​ഛ​നെ​ന്റെ​ ​നി​രാ​ശ​യെ​ ​ത​ഴു​കി​ ​മാ​യ്ച്ച് ​ക​ള​യും.
അ​ത്തം​ ​ക​റു​ത്താ​ൽ​ ​ഓ​ണം​ ​വെ​ളു​ക്കു​മെ​ന്നാ​ണ് ​ചൊ​ല്ല്.​ ​പ​ക്ഷേ,​ ​ഞ​ങ്ങ​ളു​ടെ​ ​ആ​ണ്ട​റു​തി​ക​ളു​ടെ​ ​കാ​ര്യ​ത്തി​ൽ​ ​ഒ​രോ​ണം​പോ​യാ​ൽ​ ​അ​ടു​ത്ത​ ​വി​ഷു​വും​ ​അ​തി​ന്റെ​ ​കൂ​ടെ​യ​ങ്ങ് ​ക​റു​ത്തി​രു​ണ്ട്‌​പോ​വും.​ ​ദുഃ​ഖാ​ച​ര​ണം​ ​ഒ​രാ​ണ്ട് ​നീ​ണ്ട് ​നി​ൽ​ക്കു​മ​ല്ലോ.​ ​പ​ടി​ ​ക​ട​ന്നെ​ത്താ​ത്ത​ ​ഓ​ണ​ത്തി​നും​ ​വി​ഷു​വി​നും​ ​പ​ക​ര​മാ​യി​ ​ക്രി​സ്‌​മ​സി​ന് ​ഒ​രു​ ​ന​ക്ഷ​ത്ര​മെ​ങ്കി​ലും​ ​ഉ​മ്മ​റ​ത്ത് ​തൂ​ക്കി​യി​ടാ​ൻ​ ​ഞാ​ൻ​ ​കൊ​തി​ച്ചി​ട്ടു​ണ്ട്.​ ​സ്‌​ക്കൂ​ളി​ൽ​ ​പോ​കു​ന്ന​ ​വ​ഴി​ക്ക് ​വീ​ടു​ക​ൾ​ക്കു​ ​മു​ന്നി​ൽ​ ​പ​ല​ ​നി​റ​ത്തി​ൽ,​ ​ഉ​ണ്ണി​യേ​ശു​വി​ന്റെ​ ​പി​റ​വി​യ​റി​ച്ച​ ​ന​ക്ഷ​ത്ര​രൂ​പ​ങ്ങ​ൾ​ ​തൂ​ങ്ങി​ക്കി​ട​ക്കു​ന്ന​ത് ​ഞാ​ൻ​ ​ക​ണ്ടി​ട്ടു​ണ്ട്.​ ​രാ​ത്രി​യാ​വു​മ്പോ​ൾ​ ​അ​ത് ​പ്ര​കാ​ശി​ക്കു​മ​ത്രേ.​ ​അ​തി​ന് ​ക​റ​ന്റ്‌​ ​വേ​ണം.​ ​മെ​ഴു​കു​തി​രി​യാ​ലും​ ​മ​തി​യെ​ന്ന് ​എ​ന്റെ​ ​ഒ​രു​ ​കൂ​ട്ടു​കാ​ര​ൻ​ ​പ​റ​ഞ്ഞി​രു​ന്നു.​ ​ഞ​ങ്ങ​ളു​ടെ​ ​ഓ​ല​പ്പു​ര​യി​ൽ​ ​മ​ണ്ണെ​ണ്ണ​ ​വി​ള​ക്ക് ​മാ​ത്ര​മേ​ ​ഉ​ണ്ടാ​യി​രു​ന്നു​ള്ളൂ.​ ​ഉ​ള്ള​തി​ൽ​ ​ന​ല്ലൊ​രു​ ​അ​ലൂ​മി​നി​യം​ ​വി​ള​ക്കാ​യി​രു​ന്നു​ ​ഉ​മ്മ​റ​ത്ത് ​ക​ത്തി​ച്ചു​ ​വെ​ച്ചി​രു​ന്ന​ത്.​ ​ബാ​ക്കി​യു​ള്ള​തൊ​ക്കെ​ ​കു​പ്പി​ക​ൾ​ ​കൊ​ണ്ട് ​ഞ​ങ്ങ​ൾ​ ​ത​ന്നെ​ ​ഉ​ണ്ടാ​ക്കി​യ​താ​യി​രു​ന്നു.
ആ​വ​നാ​ഴി​യി​ലെ​ ​അ​സ്ത്ര​മൊ​ഴി​ഞ്ഞ​ ​ഏ​ക​ല​വ്യ​നോ​ട് ​ഒ​രു​ ​ന​ക്ഷ​ത്ര​വും​ ​മെ​ഴു​കു​തി​രി​യും​ ​വാ​ങ്ങി​ ​ത​ര​ണ​മെ​ന്ന് ​പ​റ​യാ​നു​ള്ള​ ​ക്രൗ​ര്യം​ ​എ​നി​ക്കൊ​രി​ക്ക​ലു​മി​ല്ലാ​യി​രു​ന്നു.​ ​എ​ന്റെ​ ​ക്രി​സ്‌​മ​സ് ​കൂ​ട്ടു​കാ​ർ​ ​ക​ടം​ ​ത​ന്നി​രു​ന്ന​ ​ക​ഥാ​പു​സ്ത​ക​ങ്ങ​ളി​ലെ​ ​വി​സ്‌​മ​യി​പ്പി​ക്കു​ന്ന​ ​ക​ഥ​ക​ളി​ൽ​ ​മാ​ത്ര​മാ​യൊ​തു​ങ്ങി.​ ​റെ​യിൻ​ഡി​യ​റു​ക​ൾ​ ​വ​ലി​ക്കു​ന്ന​ ​മ​ഞ്ഞു​വ​ണ്ടി​യി​ൽ​ ​ഉ​ത്ത​ര​ധ്രു​വ​ത്തി​ലേ​ക്ക് ​പ​റ​ക്കു​ന്ന​ ​സാ​ന്റ​യു​ടെ​ ​ക​ണ്ണി​ൽ​ ​ഒ​രി​ക്ക​ലും​ ​ഞ​ങ്ങ​ളു​ടെ​ ​കെ​ട്ടി​മേ​യാ​ത്ത​ ​ഓ​ല​പ്പു​ര​ ​പ​തി​ഞ്ഞി​ല്ല.​ ​സാ​ന്റ​യു​ടെ​ ​സ​മ്മാ​ന​പ്പൊ​തി​ ​ഞ​ങ്ങ​ളു​ടെ​ ​ഉ​മ്മ​റ​ത്ത് ​പ്ര​ത്യ​ക്ഷ​പ്പെ​ട്ട​തു​മി​ല്ല.
എ​നി​ക്കാ​ദ്യ​മാ​യി​ ​ഒ​രു​ ​സ​മ്മാ​നം​ ​ത​ന്ന​ത് ​ക​ട​ലാ​യി​രു​ന്നു.​ ​പാ​തി​ ​ക​ത്തി​യ​ ​ഒ​രു​ ​മെ​ഴു​കു​തി​രി​യാ​യി​രു​ന്നു​ ​ആ​ ​സ​മ്മാ​നം.​ ​എ​നി​ക്കു​റ​പ്പി​ച്ച് ​പ​റ​യാ​ൻ​ ​പ​റ്റും​ ​ക​ഥാ​പു​സ്‌​ത​ക​ങ്ങ​ളി​ല​ല്ലാ​തെ​ ​അ​തി​നു​ ​മു​ൻ​പൊ​രി​ക്ക​ലും​ ​ഞാ​നൊ​രു​ ​മെ​ഴു​കു​തി​രി​ നേ​രി​ൽ​ ​ക​ണ്ടി​ട്ടി​ല്ലെ​ന്ന്.​ ​കു​റേ​നാ​ൾ​ ​ഉ​പ്പു​വെ​ള്ള​ത്തി​ൽ​ ​കി​ട​ന്ന​ ​അ​ത് ​ഏ​റെ​ ​ശ്ര​മ​പ്പെ​ട്ടാ​ണ് ​ഞാ​ൻ​ ​ക​ത്തി​ച്ച​ത്.​ ​തി​രി​യി​ൽ​ ​തീ​ ​പ​ട​ർ​ന്ന​ ​ഉ​ട​ൻ​ ​ത​ന്നെ​ ​അ​ത് ​ക​ണ്ണീ​രൊ​ലി​പ്പി​ക്കാ​ൻ​ ​തു​ട​ങ്ങി.​ ​കു​റ​ച്ചു​നേ​രം​ ​ക​ത്തി​യ​പ്പോ​ഴേ​ക്കും​ ​ക​ണ്ണീ​ർ​ത്തു​ള്ളി​ക​ളെ​ല്ലാം​ ​താ​ഴേ​ക്ക് ​ഒ​ലി​ച്ചി​റ​ങ്ങി​ ​പേ​രാ​ലി​ന്റെ​ ​വേ​ടു​ക​ൾ​പോ​ലെ​ ​തൂ​ങ്ങി​ ​നി​ന്നു.​ ​മെ​ഴു​കു​തി​രി​ ​പാ​തി​ ​മു​റി​ച്ച​ ​ആ​ൽ​മ​രം​ ​പോ​ലെ​യാ​യി.​ ​അ​തു​ട​നെ​ ​എ​രി​ഞ്ഞി​ല്ലാ​താ​കു​മ​ല്ലോ​ ​എ​ന്ന​ ​ചി​ന്ത​യി​ൽ​ ​ഞാ​ന​ത് ​ഊ​തി​ ​കെ​ടു​ത്തി.​ ​അ​ച്‌​ഛ​ന്റെ​ ​ത​ക​ര​പ്പെ​ട്ടി​യി​ൽ​ ​അ​ത് ​കു​റേ​ക്കാ​ലം​ ​കി​ട​ന്നി​രു​ന്നു.
അ​ച്‌​ഛ​ൻ​ ​പ​റ​യു​ന്ന​പോ​ലെ​ ​പി​റ്റേ​ത്തെ​ ​കൊ​ല്ലം​ ​ഓ​ണ​മോ​ ​വി​ഷു​വോ​ ​ആ​ഘോ​ഷി​ക്കാ​ൻ​ ​ഞ​ങ്ങ​ൾ​ക്ക് ​ക​ഴി​യാ​റി​ല്ല.​ ​അ​ക്കൊ​ല്ലം​ ​ഏ​തെ​ങ്കി​ലു​മൊ​രു​ ​അ​മ്മാ​യി​ ​ആ​യി​രി​ക്കും​ ​മ​ര​ണ​പ്പെ​ടു​ക.​ ​അ​ല്ലെ​ങ്കി​ൽ​ ​വ​ക​യി​ലൊ​രു​ ​വ​ല്ല്യ​മ്മ.​ ​അ​ങ്ങ​നെ​ ​ഓ​ർ​മ്മ​യി​ലെ​ ​കു​റേ​ ​ആ​ണ്ട​റു​തി​ക​ൾ​ ​ദുഃ​ഖാ​ച​ര​ണ​ത്തി​ൽ​ ​നി​റം​കെ​ട്ടു​പോ​യി.​ ​എ​ന്തു​കൊ​ണ്ടാ​ണ് ​ആ​ണ്ട​റു​തി​ക​ൾ​ ​ആ​ഘോ​ഷി​ക്കാ​നാ​വാ​തെ,​ ​കൃ​ത്യ​മാ​യ് ​ഓ​രോ​ ​വ​ർ​ഷ​വും​ ​ഞാ​ന​റി​യാ​ത്ത​ ​ബ​ന്ധു​ക്ക​ൾ​ ​മ​രി​ച്ചു​പോ​വു​ന്ന​തെ​ന്ന് ​ഞാ​നാ​ലോ​ചി​ച്ചി​രു​ന്നു.​ ​'​മ​ര​ണം​ ​ആ​രെ​യാ​ണ് ​എ​പ്പോ​ഴാ​ണ് ​കൊ​ണ്ടു​പോ​വു​ക​ ​എ​ന്ന​റി​യി​ല്ല​ല്ലോ​"​ ​എ​ന്ന് ​ അ​ച്‌​ഛ​നെ​ന്റെ​ ​ മു​ഖ​ത്തു​നോ​ക്കാ​തെ​ ​മ​റു​പ​ടി​ ​പ​റ​യും.
ചി​ല​പ്പോ​ൾ​ ​ആ​ണ്ട​റു​തി​ക​ൾ​ ​അ​ടു​ത്ത് ​വ​രു​മ്പോ​ൾ​ ​അ​ച്‌​ഛ​ൻ​ ​ധൃ​തി​ ​പി​ടി​ച്ച് ​എ​ന്തൊ​ക്കെ​യോ​ ​ക​ട​ലാ​സി​ൽ​ ​കു​ത്തി​ ​കു​റി​ക്കു​ന്ന​ത് ​കാ​ണാം.​ ​കൂ​ട്ടി​യും​ ​കു​റ​ച്ചും​ ​ഹ​രി​ച്ചും​ ​ഗു​ണി​ച്ചും​ ​ഗ​ണി​ച്ചും​ ​അ​ത​ങ്ങ​നെ​ ​കു​റേ​ ​നാ​ൾ​ ​നീ​ണ്ടു​ ​നി​ൽ​ക്കും.​ പേ​ന​ ​ക​ടി​ച്ച് ​പി​ടി​ച്ച് ​കു​റേ​നേ​രം​ ​ആ​ലോ​ചി​ച്ചി​രി​ക്കു​ന്ന​തും​ ​കാ​ണാം.​ ​അ​ന്നേ​രം​ ​അ​ച്‌​ഛ​ൻ​ ​വ​ല്ല​ ​ക​ഥ​യോ​ ​ക​വി​ത​യോ​ ​എ​ഴു​തു​ക​യാ​ണെ​ന്ന്‌​തോ​ന്നും.​ ​എ​ല്ലാ​ ​വെ​ട്ടി​ത്തി​രു​ത്ത​ലു​ക​ളും​ ​ക​ഴി​ഞ്ഞാ​ൽ​ ​ഒ​രു​ ​പ്ര​വ​ച​ക​നെ​പോ​ലെ​ ​അ​ച്‌​ഛ​ൻ​ ​പ​റ​യും​:​ ​'​'ഇ​ക്കൊ​ല്ലം​ ​ഞ​മ്മ​ക്ക് ​ഓ​ണം​ ​ഉ​ഷാ​റാ​ക്ക​ണം.​""
എ​ന്തൊ​ര​ത്ഭു​തം​!​ ​അ​ക്കൊ​ല്ലം​ ​ഞ​ങ്ങ​ളു​ടെ​ ​ബ​ന്ധു​ക്ക​ളി​ൽ​ ​ആ​രും​ ​മ​രി​ക്കി​ല്ല.​ ​വ​ള​രെ​ ​അ​പൂ​ർ​വ​മാ​യി​ ​മാ​ത്രം​ ​സം​ഭ​വി​ക്കു​ന്ന​ ​അ​ത്ഭു​ത​മാ​യി​രു​ന്നു​ ​അ​ത്.​ ​അ​ച്‌​ഛ​ന​ത് ​എ​ല്ലാ​ ​കൊ​ല്ല​വും​ ​പ​റ​ഞ്ഞൂ​ടേ?​ ​അ​ച്‌​ഛ​ന​ങ്ങ​നെ​ ​പ​റ​യാ​ത്ത​ത് ​ഭൂ​ലോ​ക​ത്തി​ന്റെ​ ​സ​ന്തു​ലി​താ​വ​സ്ഥ​ ​തെ​റ്റാ​തി​രി​ക്കാ​ന​ണ​ത്രേ.​ ​ആ​രും​ ​മ​രി​ക്കാ​തെ,​ ​തൊ​ണ്ണൂ​റ് ​വ​യ​സു​ള്ള​ ​അ​പ്പൂ​പ്പ​ന്മാ​രെ​ല്ലാം​ ​കു​ഞ്ഞാ​യി​ട്ടി​രു​ന്നാ​ലു​ള്ള​ ​അ​വ​സ്ഥ​ ​എ​ന്താ​യി​രി​ക്കും​?​ ​ലോ​കം​ ​മു​ഴു​വ​ൻ​ ​ഞ​ങ്ങ​ളു​ടെ​ ​വീ​ട്‌​പോ​ലെ​ ​പ​ട്ടി​ണി​ ​പ​രി​വ​ട്ട​ത്തി​ല​മ​ർ​ന്നു​പോ​കു​ന്ന​ത് ​എ​ന്തു​ ​ക​ഷ്‌​ട​മാ​ണ്.
ആ​രും​ ​മ​രി​ക്കാ​ത്ത​ ​ആ​ണ്ട​റു​തി​ക​ളി​ൽ​ ​അ​ച്‌​ഛ​നും​ ​വ​രും​ ​പൂ​വി​റു​ക്കാ​നും​ ​പൂ​ക്ക​ള​മി​ടാ​നു​മൊ​ക്കെ.​ ​പൂ​ക്ക​ൾ​ തേ​ടി​ ​ഞാ​നും​ ​അ​ച്‌​ഛ​നും​ ​പൂ​മ്പാ​റ്റ​ക​ളാ​കും.​ ​പൂ​ക്ക​ള​ത്തി​ൽ​ ​അ​ച്‌​ഛ​ൻ​ ​വ​ര​യ്‌​ക്കു​ന്ന​ ​ചി​ത്ര​ങ്ങ​ൾ​ ​സാ​ധാ​ര​ണ​യാ​യി പൂ​ക്ക​ള​ങ്ങ​ളി​ൽ​ ​കാ​ണാ​റു​ള്ള​ ​ജ്യാ​മി​തീ​യ​ ​രൂ​പ​ത്തി​ലു​ള്ള​ ​പൂ​ക്ക​ളൊ​ന്നു​മാ​യി​രു​ന്നി​ല്ല.​ ​വ​ല​യും​ ​മീ​നും​തോ​ണി​ക​ളു​മൊ​ക്കെ​യാ​യി​ ​പ​ല​പ്പോ​ഴും​ ​ക​ട​ലാ​യി​രു​ന്നു​ ​ഞ​ങ്ങ​ളു​ടെ​ ​മു​റ്റ​ത്തെ​ ​പൂ​ക്ക​ളം.​ ​ഒ​രി​ക്ക​ൽ​ ​നെ​ല്ലി​പ്പൂ​ക്ക​ൾ​ ​കൊ​ണ്ട് ​അ​ച്ഛ​ൻ​ ​ഒ​രാ​ളെ​ ​വ​ര​ച്ചു.​ ​അ​ച്ഛ​ൻ​ ​വാ​യി​ച്ചി​രു​ന്ന​ ​ഒ​രു​ ​പു​സ്ത​ക​ത്തി​ന്റെ​ ​പു​റം​ച​ട്ട​യി​ലു​ള്ള​ ​ആ​ളാ​യി​രു​ന്നു​ ​അ​ത്.​ ​ക​ട്ടി​ക്ക​ണ്ണ​ട​യ്‌​ക്കു​ള്ളി​ലൂ​ടെ​ ​ആ​ ​മ​നു​ഷ്യ​ൻ​ ​അ​ന്ന​ത്തെ​പോ​ലെ​ ​ഇ​പ്പോ​ഴും​ ​എ​ന്നെ​ ​ത​ന്നെ​നോ​ക്കി​ ​നി​ൽ​ക്കു​ക​യാ​ണ്.
വി​ഷു​ ​ആ​ണെ​ങ്കി​ൽ​ ​വൈ​കു​ന്നേ​രം​ ​പ​ച്ച​ക്ക​റി​യു​ടേ​യും​ ​പ​ല​ച​ര​ക്കി​ന്റേ​യും​ ​കൂ​ടെ​ ​എ​നി​ക്കാ​യ് ​ഒ​രു​ ​കൊ​ച്ചു​ ​പൊ​തി​യും​ ​ഉ​ണ്ടാ​കും.​ ​ഒ​രു​ ​ചെ​റി​യ​ ​പെ​ട്ടി​ ​മ​ത്താ​പ്പൂ,​ ​പൂ​ത്തി​രി,​ ​പാ​മ്പു​ഗു​ളി​ക​ ​പി​ന്നെ​ ​കു​റ​ച്ച് ​ഓ​ല​പ്പ​ട​ക്ക​വും ​കോ​മ്പ​ല​പ്പ​ട​ക്ക​വും.​ ​പ​ട​ക്ക​ ​ക​ട​യി​ലെ​ ​ഏ​റ്റ​വും​ ​ചെ​റി​യ​ ​പൊ​തി​ക​ളാ​യി​രു​ന്നു​ ​അ​വ​യെ​ങ്കി​ലും​ ​അ​തെ​ന്റെ​ ​ഏ​റ്റ​വും​ ​വ​ലി​യ​ ​സ​ന്തോ​ഷ​ങ്ങ​ളാ​യി​രു​ന്നു.​ ​ഒ​രി​ക്ക​ലും​ ​എ​രി​ഞ്ഞു​ ​തീ​ര​രു​തേ​ ​എ​ന്ന​ ​പ്രാ​ർ​ത്ഥ​ന​യോ​ടെ​ ​ഓ​രോ​ ​പൂ​ത്തി​രി​യും​ ​മ​ത്താ​പ്പും​ ​ഞാ​ൻ​ ​ദീ​ർ​ഘ​മാ​യ​ ​ഇ​ട​വേ​ള​ക​ളി​ട്ട് ​ക​ത്തി​ക്കും.​ ​അ​തെ​ല്ലാം​ ​ക​ത്തി​ ​തീ​ർ​ന്നാ​ൽ​ ​ഞാ​നും​ ​അ​ച്‌​ഛ​നും​ ​ഒ​രു​മി​ച്ച് ​ഓ​ല​പ്പ​ട​ക്ക​ത്തി​ന് ​തീ​ ​കൊ​ളു​ത്തും.​ ​പു​ല​ർ​ച്ചെ​ ​ക​ത്തി​ക്കാ​ൻ​ ​കു​റ​ച്ച് ​പ​ട​ക്ക​ങ്ങ​ൾ​ ​ബാ​ക്കി​ ​വെ​ച്ച് ​ഞാ​ൻ​ ​ഉ​റ​ങ്ങാ​ൻ​ ​കി​ട​ക്കും.​ ​കാ​ലി​യാ​യ​ ​പൂ​ത്തി​രി​പ്പെ​ട്ടി​ക​ളി​ൽ​ ​വീ​ണ്ടും​ ​പൂ​ത്തി​രി​ക​ൾ​ ​വ​ന്ന് ​നി​റ​യു​ന്ന​ത് ​കൂ​ടെ​ ​കൂ​ടെ​ ​സ്വ​പ്നം​ ​കാ​ണും.​ ​പു​ല​ർ​ച്ചെ​ ​അ​ച്‌​ഛ​നെ​ന്നെ​ ​വി​ളി​ച്ചു​ണ​ർ​ത്തും.​ ​ബാ​ക്കി​ ​ഓ​ല​പ്പ​ട​ക്ക​ങ്ങ​ൾ​ ​പൊ​ട്ടി​ച്ച് ​ഞ​ങ്ങ​ൾ​ ​വി​ഷു​ദി​ന​ത്തെ​ ​വി​ളി​ച്ചു​ണ​ർ​ത്തും.​ ​ഉ​ച്ച​ക്ക് ​ഒ​രേ​പോ​ലു​ള്ള​ ​ഷ​ർ​ട്ടി​ട്ട് ​ഞാ​നും​ ​അ​ച്‌​ഛ​നും​ ​ഒ​രു​മി​ച്ചി​രു​ന്ന് ​ഊ​ണ് ​ക​ഴി​ക്കും.​ ​ഊ​ണി​നു​ശേ​ഷ​മാ​ണ്‌​ ​കോ​മ്പ​ല​പ്പ​ട​ക്കം​ ​പൊ​ട്ടി​ക്കു​ക.​ ​അ​തും​ ​പൊ​ട്ടി​ ​തീ​രു​ന്ന​തോ​ടെ​ ​ഞ​ങ്ങ​ളു​ടെ​ ​വി​ഷു​ ​ആ​ഘോ​ഷ​ത്തി​ന് ​പ​രി​സ​മാ​പ്‌​തി​യാ​വും.​ ​അ​പ്പോ​ൾ​ ​പു​ഴ​യ്‌​ക്ക​ക്ക​രെ​ ​നി​ന്ന് ​വ​ലി​യ​ ​ശ​ബ്‌​ദ​ത്തി​ൽ​ ​അ​മി​ട്ടു​ക​ൾ​ ​പൊ​ട്ടു​ന്ന​ത്‌​ ​കേ​ൾ​ക്കാം.
അ​ക്ക​രെ​യു​ള്ള​ ​ഏ​തോ​ ​വ​ലി​യ​ ​മാ​ഷി​ന്റെ​ ​വീ​ട്ടി​ൽ​ ​നി​ന്നാ​ണ​വ​ ​പൊ​ട്ടു​ന്ന​ത്.​ ​രാ​ത്രി​യേ​റെ​ ​ക​ഴി​യും​ ​ആ​ ​ശ​ബ്‌​ദ​ങ്ങ​ൾ​ ​നി​ല​യ്‌​ക്കാ​ൻ.​ ​ക​ണ്ണി​ലു​റ​ക്കം​ ​വ​ന്ന് ​വീ​ഴും​ ​വ​രെ​ ​ആ​ ​ശ​ബ്‌​ദ​ങ്ങ​ൾ​കേ​ട്ട് ​ഞാ​ൻ​ ​അ​ക്ക​രേ​ക്ക്‌​ ​നോ​ക്കി​ ​ത​ന്നെ​യി​രി​ക്കും.​ ​അ​ച്‌​ഛ​നൊ​രു​ ​മാ​ഷാ​യി​രു​ന്നെ​ങ്കി​ലെ​ന്ന് ​ഞാ​ന​ന്ന് ​ഒ​രു​പാ​ടാ​ഗ്ര​ഹി​ച്ചി​ട്ടു​ണ്ട്.​ ​വ​ർ​ഷ​ങ്ങ​ൾ​ക്കി​പ്പു​റ​ത്ത് ​നി​ന്ന്‌​നോ​ക്കു​മ്പോ​ൾ​ ​അ​ച്‌​ഛ​നെ​നി​ക്ക് ​ആ​രാ​യി​രു​ന്നെ​ന്നും​ ​എ​ന്താ​യി​രു​ന്നെ​ന്നും​ ​തി​രി​ച്ച​റി​യാ​ൻ​ ​ക​ഴി​യു​ന്നു​ണ്ട്.​ ​അ​ച്‌​ഛ​ൻ​ ​എ​നി​ക്ക്‌​ ​നോ​സ്ട്രാ​ഡാ​മ​സ് ​ആ​യി​രു​ന്നു.​ ​വാ​ക്കു​ക​ൾ​ ​തെ​റ്റാ​ത്ത​ ​പ്ര​വ​ച​ക​ൻ.
ഇ​ന്നാ​ളൊ​രു​ ​ദി​വ​സം​ ​അ​ച്‌​ഛ​ന്റെ​ ​പു​സ്‌​ത​ക​ങ്ങ​ൾ​ക്കി​ട​യി​ൽ​ ​നി​ന്നും​ ​മ​ട​ക്കി​ ​വെ​ച്ച​ ​ഒ​രു​ ​കു​റി​പ്പ് ​എ​നി​ക്കു​ ​കി​ട്ടി.​ ​അ​ച്‌​ഛ​ന്റെ​ ​മു​ഖം​ ​ഏ​ക​ദേ​ശം​ ​മ​റ​ന്ന​പോ​ലെ​യാ​യി​ട്ടും​ ​ആ​ ​കൈ​പ്പ​ട​ ​മ​ന​സി​ൽ​ ​നി​ന്ന്‌​ ​പോ​യി​ട്ടി​ല്ലാ​യി​രു​ന്നു.​വേ​ലി​ ​വ​രെ​യെ​ത്തി,​ ​അ​വി​ചാ​രി​ത​മാ​യി​ ​വ​ഴി​മാ​റി​പ്പോ​യ​ ​ഏ​തോ​ ​ഒ​രു​ ​ആ​ണ്ട​റു​തി​ക്ക്‌​ വേ​ണ്ടി​ ​കു​ത്തി​ക്കു​റി​ച്ചു​വ​ച്ച​താ​യി​രി​ക്ക​ണ​മ​ത്.​ ​അ​രി​യു​ടേ​യും​ ​പ​ഞ്ച​സാ​ര​യു​ടേ​യു​മൊ​ക്കെ​ ​അ​ന്ന​ത്തെ​ ​വി​ല​ ​എ​ന്നെ​ ​ശ​രി​ക്കും​ ​അ​ത്ഭു​ത​പ്പെ​ടു​ത്തി.​ ​ആ​ ​ക​ലി​ഗ്രാ​ഫി​യി​ലെ​ ​ആ​ന​ക​ൾ​ക്കും​ ​മീ​നു​ക​ൾ​ക്കും​ ​മു​ന്നി​ൽ​ ​ഞാ​ൻ​ ​പ​ണ്ട​ത്തെ​ ​കു​ട്ടി​യാ​യി.
അ​തി​ന്റെ​ ​പി​ന്നി​ൽ​ ​ഇ​ങ്ങ​നെ​ ​എ​ഴു​തി​യി​രു​ന്നു:
'​'എ​ന്റെ​ ​ഗ​തി​കേ​ടു​കൊ​ണ്ട് ​ഇ​ല്ലാ​ത്ത​ ​കു​റേ​ ​മ​ര​ണ​ങ്ങ​ളു​ടെ​പേ​രി​ൽ​ ​നി​ന്റെ​ ​ഒ​രു​പാ​ട് ​ആ​ണ്ട​റു​തി​ക​ൾ​ ​ഞാ​നെ​ടു​ത്തി​ട്ടു​ണ്ട്.​ ​അ​ങ്ങ​നെ​ ​ഞാ​നെ​ടു​ക്കു​ന്ന​ ​നി​ന്റെ​ ​അ​വ​സാ​ന​ത്തെ​ ​ആ​ണ്ട​റു​തി​ ​എ​ന്റെ​ ​മ​ര​ണ​ത്തി​ന​പ്പു​റം​ ​നീ​ള​രു​തെ​ന്ന് ​എ​നി​ക്കാ​ഗ്ര​ഹ​മു​ണ്ട്.​""
നോ​സ്ട്ര​ഡാ​മ​സി​ന്റെ​ ​നി​ഗൂ​ഢ​വ​ച​നം​പോ​ലെ​യാ​ണ് ​ഞാ​ന​ത് ​വാ​യി​ച്ച​ത്.​ ​അ​തു​ ​വാ​യി​ക്കു​മ്പോ​ൾ​ ​എ​ന്റെ​ ​ഹൃ​ദ​യ​മി​ടി​പ്പ് ​ആ​ ​കൈ​പ്പ​ട​പോ​ലെ​ ​ത​ന്നെ​ ​മ​ല​യോ​ളം​ ​ഉ​യ​രു​ക​യും​ ​അ​ഗാ​ധ​ത​യി​ലേ​ക്ക് ​താ​ഴു​ക​യും​ ​ചെ​യ്തു.​ ​ഞാ​ന​തെ​ന്നെ​ങ്കി​ലും​ ​കാ​ണു​മെ​ന്ന് ​ക​രു​തി​യാ​ണോ​ ​അ​ച്ഛ​ന​ത് ​എ​ഴു​തി​യ​തെ​ന്ന​റി​യി​ല്ല.​ ​ഞാ​ന​ത് ​കാ​ണാ​നൊ​ത്തി​രി​ ​വൈ​കി​പ്പോ​യി.​ ​അ​തു​ ​വാ​യി​ച്ച​തി​ന്‌​ശേ​ഷം,​ ​മു​റ്റെ​ത്തെ​ത്താ​തെ​ ​ക​ട​ന്നു​പോ​യ​ ​ആ​ണ്ട​റു​തി​ക​ൾ​ ​ആ​യി​രം​ ​നി​റ​ങ്ങ​ളി​ൽ​ ​എ​ന്റെ​ ​ചു​റ്റും​ ​വ​ന്ന് ​നി​റ​യു​ന്ന​ത് ​ക​ണ്ണു​ ​നി​റ​ഞ്ഞി​ട്ടും​ ​ഞാ​ൻ​ ​വ്യ​ക്ത​മാ​യി​ ​ത​ന്നെ​ ​ക​ണ്ടു.